Qonaevtyŋ eskertkışı alynyp tastaldy

Almaty oblysynyŋ mädeniet basqarmasy Qazaq KSR Kompartiiasy Ortalyq Komitetınıŋ bırınşı hatşysy Dınmūhamed Qonaevqa eskertkış ornatu toqtatylǧanyn mälım ettı, dep habarlaidy «Adyrna» ūlttyq portaly  Stan.kz aqparat agenttıgıne sılteme jasap. Anyqtalǧandai, eskertkış rūqsat qūjattarynsyz ornatyla bastaǧan. Endı avtorlar jobany komissiia aldynda qaita qorǧauy kerek. "2020 jyldyŋ 15 qazanynda Qazaqstannyŋ memleket jäne qoǧam qairatkerı D.A. Qonaevtyŋ eskertkışın ornatu jönındegı barlyq tiıstı qūjattar tarih jäne mädeniet eskertkışterın qorǧau jönındegı oblystyq komissiiamen qaralyp, maqūldandy. Sodan keiın barlyq tiıstı qūjattar Nūr-sūltan qalasyna monumenttı önerdıŋ jaŋa qūrylystaryn ornatu jönındegı Qazaqstannyŋ memlekettık komissiiasynyŋ qarauyna jıberıldı. 20 qazanda äleumettık jelılerden Memlekettık komissiianyŋ şeşımın kütpei-aq, D.Qonaevqa eskertkış ornatylǧany belgılı boldy. 21 qazanda jūmys toby qūryldy, būzuşylyqtardy anyqtau üşın Balqaş öŋırıne bardy. Barlyq jauapty tūlǧalardy, sonyŋ ışınde müsınşını jinap, jūmys toby eskertkıştı ornatu boiynşa barlyq qūrylys jūmystaryn toqtatty, sondai-aq eskertkış boiynşa barlyq eskertulerdı ekı apta merzımde joiuǧa nūsqau berıldı. Monumenttı önerdıŋ jaŋa qūrylystaryn ornatu jönındegı Qazaqstannyŋ memlekettık komissiiasy  būl eskertkıştıŋ barlyq tiıstı qūjattaryn qarastyryp, maqūldamady. Öz kezegınde Balqaş audanynyŋ äkımdıgı tarihi jäne mädeni eskertkışterdı qorǧau jönındegı oblystyq komissiianyŋ qarauyna qūjattar men eskizdık jobalardy qaitadan ūsynuy tiıs", - dep habarlady Almaty oblysynyŋ mädeniet, arhivter jäne qūjattama basqarmasy. Eske salaiyq, jaŋa eskertkıştı Qaznet qoldanuşylary synǧa aldy. Narazylardyŋ arasynda qairatkerdıŋ tuystary da boldy.