Seısenbi, 27 qazan kúni Sybaılas jemqorlyqqa qarsy qyzmet ǵımaratynda ótken brıfıngte Almaty oblysynyń ákimi Amandyq BATALOV halyqqa «Estýshi memleket» saıasatyn júzege asyrý týraly esep berdi, - dep habarlaıdy «Adyrna» ulttyq portaly Ratel.kz-ke silteme jasap.
Sheneýnik sybaılas jemqorlyqqa qarsy kúresýshilerge kóptegen jerge qatysty alaıaqtyqtar bar ekeni týraly aıtyp, shaǵymdandy.
- Men 2014 jyly oblys ákimi bolyp taǵaıyndala salysymen, sodan beri jer qatynastary salasyndaǵy zań buzýshylyqtarmen kúresip kelemin. Kún saıyn jańa faktiler týraly estımin. Bul úlken problema. Birde olar sý qorǵaý aımaǵynda, endi birde joldardyń janynda júredi, sodan kelip olar bas jospardy buzady. Al Almaty áýejaıynyń janyndaǵy áýe apatyna qatysty is she? Onda jerler bastapqy jospardy ózgertip, zańsyz berilgen.
Biz osy saladaǵy 100-ge jýyq sybaılas jemqorlyqty baqylap, anyqtadyq. Ásirese, Talǵar, Qarasaı jáne Ile oblystarynda kóptegen zań buzýshylyqtar bar. 300-400-ge deıin zań buzýshylyqtar esepteldi. Talǵar aýdanynyń ákiminiń orynbasary ustaldy. Biz olardy basqa qyzmetterge aýystyrdyq jáne al olardyń sońynan osynan iz jalǵasqan, - dep túıindedi Amandyq Batalov.
Ákim sonymen qatar oblysta ınvestorlar úshin eshqandaı jer qalmady dep shaǵymdandy. Barlyq jerdiń eń jaqsy bóligi jekelenip ketkenin aıtty.
- Búgin amerıkalyq ınvestorlar jem-shóp bazasy úshin 5000 gektar jer surap jatyr, biraq biz ony taba almaı otyrmyz. Qyzylaǵash bógeti paıdalanýǵa beriledi. Qyzylsha ósiretin ınvestorlar bar. Biraq biz Aqsý aýdanynda olar úshin tipti bir gektar jer taba almaı otyrmyz. Olar úlken aqsha salýǵa, ólke ekonomıkasyn kóterýge daıyn, - dep shaǵymdandy Amandyq Batalov.
Almaty oblysy jer zańnamasyn buzý faktileri kóp anyqtalǵan óńirlerdiń antı-reıtıngine kóshkeni belgili. Bul faktilerdi buǵan deıin oblystyń sybaılas jemqorlyqqa qarsy qyzmeti jarııalaǵan bolatyn.
Foto ashyq derekkózden alyndy
"Adyrna" ulttyq portaly
