Keşe, 27.10.2020 jyly Qazaqstannyŋ halyq ärtısı, Qazaqstannyŋ memlekettık syilyǧynyŋ laureaty, Parasat, Qūrmet ordenderınıŋ iegerı Nūrǧali Nüsıpjanovtyŋ 82 jasynda äke atanǧany jaily aqparat äleumettık jelıler men BAQ arqyly taraǧan edı. Osy aqparat boiynşa Almaty telearnasynyŋ basşysy Nūrjan JALAUQYZY arnaiy tüsınık berdı, - dep habarlaidy «Adyrna» ūlttyq portaly.
Mūndai qauesettıŋ taraluyna türtkı bolǧan Almaty telearnasynyŋ Paparazzi baǧdarlamasy. Osyǧan orai Almaty telearnasynyŋ basşysy Nūrjan Jalauqyzy Facebook paraqşasynda halyqtan jäne aituly öner tūlǧasynan keşırım sūrady.
Nūrjan Jalauqyzy: «Qūrmettı FB oqyrmandary!
Keşeden berı qazaq elınıŋ bırtuar azamaty Nūrǧali Nüsıpjanov aǧamyz turaly tarap jatqan aqparattyŋ şyndyqqa janaspaitynyn aitqym keledı. Eŋ aldymen Almaty telearnasynyŋ basşysy retınde Nūrǧali aǧadan keşırım sūraimyn! Sızdıŋ jüregıŋızge abaisyzda tüsken osynau qaiau menıŋ ärıptesterım üşın ülken sabaq bolary sözsız.
Sondai-aq, telearnamyzdyŋ tapsyrysymen daiyndalatyn Paparazzi baǧdarlamasynyŋ tılşısımen körermenderge jalǧan aqparat taratqany üşın būdan bylai jūmys ıstemeitındıgımızdı xabarlaimyn.
Telearnamyzdyŋ ūstanymy - qazaq elınıŋ keşegısı men bügını üşın aianbai eŋbek etken är saladaǧy aiauly ūl-qyzdaryna ärdaiym qūrmetpen qarau bolyp qala beredı», - deidı jazbasynda.
Foto aşyq derekközden alyndy
«Adyrna» ūlttyq portaly
