Almatyda múmkindigi shekteýli jandarǵa arnalǵan egov.kz buryshy ashyldy

3099
Adyrna.kz Telegram

 Búgin "Galereıa" saýda oıyn-saýyq ortalyǵynda elektrondyq úkimettiń óz-ózine qyzmet kórsetý buryshy ashyldy, dep habarlaıdy «Adyrna» tilshisi.

Endi Atakent aýdanynyń turǵyndary memlekettik qyzmetterdi Halyqqa qyzmet kórsetý ortalyqtaryna barmaı-aq ala alady.

Koronavırýstyq ınfekııanyń taralýyn boldyrmaý jáne HQO ǵımarattarynda azamattardyń jınalýyn barynsha azaıtý úshin, "Galereıa" SOK-ta óz-ózine qyzmet kórsetýge arnalǵan eki burysh jumys isteıtin bolady: 1-qabat-múmkindigi shekteýli jandar úshin. 2-qabat - Almaty qalasynyń barlyq turǵyndary úshin.  Jalpy sany 8 oryn.

Óz-ózine qyzmet kórsetý buryshy Qazaqstan Respýblıkasy Memlekettik qyzmet isteri agenttigi Almaty qalasy boıynsha departamentiniń bastamasymen Almaty qalasy boıynsha "Azamattarǵa arnalǵan úkimet "MK fılıalymen birlesip ashyldy.

Buryshtyń ashylýyna egov.kz "Azamattarǵa arnalǵan úkimet" MK KEAQ Almaty qalasy boıynsha fılıalynyń dırektory Danııar Qyryqbaev, QR Memlekettik qyzmet isteri agenttiginiń  Almaty qalasy boıynsha departamentiniń basqarma basshysy Nurjan Ózbehanov,  bas mamany Maqsat Jańbyrshıev, QR Memlekettik qyzmet isteri agenttiginiń  Almaty qalasy boıynsha departamenti vedomstva aralyq  jumys tobynyń músheleri - «Podrankı –Sharasyzdar» qoǵamdyq birlestiginiń tóraıymy Ǵalııa Tobataeva, «Keń peıil» qoǵamdyq birlestiginiń tóraǵasy Anatolıı Megaı, «Ekspo-Dızaın»  JShS ókilderi jáne basqa da qoǵamdyq uıymdar men front-ofıster basshylary qatysty.

«Ózine-ózi qyzmet kórsetý aımaqtary Halyqqa qyzmet kórsetý ortalyqtaryndaǵy kezekti joıýǵa baǵyttalǵan. Buryshtar azamattardyń HQO ǵımarattarynda shoǵyrlanýyn boldyrmaıdy jáne koronavırýstyń taralý qaýpin azaıtady. Munda kompıýteri nemese ınterneti joq azamattar elektrondyq úkimet portalynda qoljetimdi qyzmetterdi óz betinshe ala alady», - dep túsindirdi "Azamattarǵa arnalǵan úkimet" MK  KEAQ Almaty qalasy boıynsha fılıalynyń dırektory Danııar Qyryqbaev.

"Atalǵan ózine-ózi qyzmet kórsetý buryshyna HQO mamandary bekitilgen. Olar azamattarǵa  elektrondyq úkimet portalynda jáne Telegram mobıldi qosymshasynda jumys isteý boıynsha aqparattar beredi", - dep qosty ol.

Qazirgi ýaqytta Qazaqstanda elektrondyq memlekettik qyzmetterdi yńǵaıly alý úshin alty júzge jýyq, Almaty qalasynda 15-ke jýyq egov óz-ózine qyzmet kórsetý buryshtary jumys isteıdi.

                                                                                                         Gúlvıra Asqar

                                                                                                             «Adyrna» ulttyq portaly

Pikirler