Biylǧy jyly Bılım jäne ǧylym ministrlıgı «pedagogikalyq ǧylymdar», «öner», «gumanitarlyq ǧylymdar», «jaratylystanu ǧylymdary», «tehnika ǧylymdary», «qyzmet körsetu» jäne «äleumettık jūmys», «äleumettık ǧylymdar» baǧyty boiynşa mamandar daiarlaǧan 25 joǧary oqu ornyn lisenziiasynan aiyrdy. Almatydaǧy Mūhamedjan Tynyşpaev atyndaǧy Qazaq kölık jäne kommunikasiia akademiiasynyŋ lisenziiasynan aiyryluy halyqty selk etkızgenı belgılı. Osy taqyryp töŋıregınde Qazaqstan ūlttyq arnasynyŋ «Aşyq alaŋ» baǧdarlamasy efirınde M.S. Närıkbaev atyndaǧy KAZGUU Universitetı Basqarma Töraǧasynyŋ orynbasary Erbolat Mūhamedjan tanys jaǧdaiymen bölıstı.
«Maǧan memlekettık qyzmette jürgen tanys azamattar universitterdı jauyp jatqany dūrys emes qoi dep pıkır bıldırude. Olar universietterdı jabu abyroi beretın jūmys emes dep oilaidy. Nege? - dep sūraǧanymda, būl äleumettık mäsele bolǧandyqtan erteŋ studentterdıŋ jaǧdaiy qalai bolady? - dep jauap beredı. Däl osylai oilaityn adamdar 3-4 jylǧy problemany ǧana eskerıp tūr. Studentterdıŋ basqa oqu ornyna auysuy da kürdelı mäsele. Bıraq 10 jyldan keiıngı jaǧdai şe? Sabaqqa barmaǧan, sapasy tömen universitette oqyǧan adam diplom alǧan soŋ qandai maman bolyp şyǧady? Bızdı osy mäsele alaŋdatuy kerek», - deidı Erbolat Mūhamedjan.
«Naryqta jürgen bır kompaniianyŋ iesımen de osy mäsele boiynşa söilestım. Menıŋ balabaqşam bar. Bauyrlarym sonda jūmys ısteidı. Qaryndasym Şymkentte bır universitette oqyp jür. Jyl boiy sabaqqa barǧan joq. Bıraq diplom alyp şyqty. Qandai maman bolyp şyqty dep qorqamyn», - deidı älgı jıgıt. Erteŋ mūndai mamandar bızdı emdeidı, babalarymyzǧa sabaq beredı, qauıpsızdıgımızdı qorǧaidy. Sondyqtan reitingı tömen oqu oryndaryn jabudy qoldau qajet»,- deidı ol.
M.S. Närıkbaev atyndaǧy KAZGUU Universitetı Baspasöz qyzmetı
