Bıylǵy jyly Bilim jáne ǵylym mınıstrligi «pedagogıkalyq ǵylymdar», «óner», «gýmanıtarlyq ǵylymdar», «jaratylystaný ǵylymdary», «tehnıka ǵylymdary», «qyzmet kórsetý» jáne «áleýmettik jumys», «áleýmettik ǵylymdar» baǵyty boıynsha mamandar daıarlaǵan 25 joǵary oqý ornyn lıenzııasynan aıyrdy. Almatydaǵy Muhamedjan Tynyshpaev atyndaǵy Qazaq kólik jáne kommýnıkaııa akademııasynyń lıenzııasynan aıyrylýy halyqty selk etkizgeni belgili. Osy taqyryp tóńireginde Qazaqstan ulttyq arnasynyń «Ashyq alań» baǵdarlamasy efırinde M.S. Nárikbaev atyndaǵy KAZGUU Ýnıversıteti Basqarma Tóraǵasynyń orynbasary Erbolat Muhamedjan tanys jaǵdaıymen bólisti.
«Maǵan memlekettik qyzmette júrgen tanys azamattar ýnıversıtterdi jaýyp jatqany durys emes qoı dep pikir bildirýde. Olar ýnıversıetterdi jabý abyroı beretin jumys emes dep oılaıdy. Nege? - dep suraǵanymda, bul áleýmettik másele bolǵandyqtan erteń stýdentterdiń jaǵdaıy qalaı bolady? - dep jaýap beredi. Dál osylaı oılaıtyn adamdar 3-4 jylǵy problemany ǵana eskerip tur. Stýdentterdiń basqa oqý ornyna aýysýy da kúrdeli másele. Biraq 10 jyldan keıingi jaǵdaı she? Sabaqqa barmaǵan, sapasy tómen ýnıversıtette oqyǵan adam dıplom alǵan soń qandaı maman bolyp shyǵady? Bizdi osy másele alańdatýy kerek», - deıdi Erbolat Muhamedjan.
«Naryqta júrgen bir kompanııanyń ıesimen de osy másele boıynsha sóılestim. Meniń balabaqsham bar. Baýyrlarym sonda jumys isteıdi. Qaryndasym Shymkentte bir ýnıversıtette oqyp júr. Jyl boıy sabaqqa barǵan joq. Biraq dıplom alyp shyqty. Qandaı maman bolyp shyqty dep qorqamyn», - deıdi álgi jigit. Erteń mundaı mamandar bizdi emdeıdi, babalarymyzǵa sabaq beredi, qaýipsizdigimizdi qorǵaıdy. Sondyqtan reıtıngi tómen oqý oryndaryn jabýdy qoldaý qajet»,- deıdi ol.
M.S. Nárikbaev atyndaǵy KAZGUU Ýnıversıteti Baspasóz qyzmeti
