M.S. Närıkbaev atyndaǧy KAZGUU Universitetı Basqarma Töraǧasynyŋ orynbasary Erbolat Mūhamedjannyŋ aitynşa: «Bız ükımetten talap etken kezde materialdyq jaǧdaidy basty nazarǧa qoiamyz. Kiım, tamaq, üi talap etemız. Nege sapaly bılım ber dep sūramasqa? Mektepter men universitetter sapaly bılım bermeidı degen talappen mitingke şyqqan adamdy kördıŋız be? Laiyqty bılım bere almasaŋ, sapaly bılım aludyŋ jolyn körset dep te eşkım aitpaidy. Jalpy halyq emes, belgılı bır qoǧam ökılderı ǧana būl mäselenı köterıp jür». Būl pıkırın ol Qazaqstan ūlttyq arnasynyŋ efirınde ötken «Aşyq alaŋ» baǧdarlamasynda aitqan bolatyn.
Memleket basşysy Qasym-Jomart Toqaevtyŋ Ūlttyq qoǧamdyq senım keŋesınıŋ üşınşı otyrysynda bılım beru salasyn damytuǧa erekşe toqtalǧany belgılı. Ekonomika bılımge täueldı bolǧan soŋ, būl salany tübegeilı reformalau kerek dedı. Osyǧan orai, 2025 jylǧa deiın bılım salasyna bölınetın qarajat 6 ese, ǧylymǧa bölınetın qarjy 7 ese ösetın boldy.
Tıkelei efir barysynda Erbolat Mūhamedjan Bılım jäne ǧylym ministrlıgı öte jaqsy şeşım şyǧarǧanyn da aityp öttı.
«Äleumetke problema şyqqan soŋ, halyq mūny bıluı kerek. Grantty būryn universittke beretın. Universitetter soǧan jabysyp otyratyn. Qazır grantty studentke berdı. Student tüsken universitetıne köŋılı tolmasa, basqa reitingı joǧary oqu ornyna auysyp kete alady. Osyndai dūrys özgerıster osydan 15 jyl būryn jasaluy kerek edı»,- deidı Erbolat Mūhamedjan.
M.S. Närıkbaev atyndaǧy KAZGUU Universitetı Baspasöz qyzmetı
