Qazır joǧary oqu ornyn tämamdaǧan jastar üşın mamandyq boiynşa jūmysqa tūru qiyn. Sebebı universitet olarǧa 4 jyldan keiın qajetıne asatyn daǧdylardy üiretpei, teoriiamen şekteledı. Joǧary bılım salasynyŋ negızgı klientı — jūmys beruşı bolǧandyqtan olardyŋ talaby da eskerılmei keledı. Qazırgı taŋda, jūmys beruşılerdı de bılım baǧdarlamalarynyŋ özektılıgı men sapasy alaŋdatyp otyr. Atameken ŪQP-nyŋ soŋǧy mälımetıne süiensek, jalpy alǧanda jūmys beruşılerdıŋ 68 paiyzy qazırgı oqu baǧdarlamasyna köŋılderı tolmaidy. Qazaqstanda 60-tan astam JOO-da oqyǧan tülekterdıŋ jartysy jūmyssyzdar qatarynda.
Osy oraida, « Jūmys beruşılerdıŋ universitet tülekterıne köŋılı tola ma?» degen taqyryp QR Bılım jäne ǧylym ministrlıgıne qarasty ADAL BILIM jobalyq ofisınıŋ alaŋyndaǧy talqylandy. Tıkelei efir barysynda M.S. Närıkbaev atyndaǧy KAZGIýU Universitetı Basqarma Töraǧasynyŋ orynbasary Erbolat Mūhamedjan halyqty tolǧandyryp jürgen özektı sūraqtar qoidy.
«Atameken» ŪKP Basqarma töraǧasynyŋ orynbasary Oljas Ordabaevqa «Tülekterı jūmyssyz jürgen JOO-daryn jabu qajet pe? Pandemiiany eskere kele, 2021 jyly Qazaqstanda jūmyssyzdyq deŋgeiı qalai özgerdı? Jastardyŋ jūmysqa ornalasu mäselesın şeşu joldary qandai?» degen saualdar qoiyldy. Oljas myrzanyŋ tıkelei efirde aitqan statistikalyq aqparaty oilandyryp tastady. Mamandyqtardyŋ 90%-ynyŋ reitingın anyqtalǧanyn aityp, universitet tülekterınıŋ jūmysqa ornalasu körsetkışı tömendep ketkenın jetkızdı. Alaida būl pandemiiaǧa bailanysty boluy da mümkın deidı.
«Bılım baǧdarlamalarynyŋ 32 %-y ǧana jūmys beruşılerdıŋ köŋılınen şyǧady, 15,6% - y ıske jaramsyz, qalǧan 52%-y kürdelı özgertudı qajet etedı. 29 universitettıŋ bılım baǧdarlamasynyŋ 80 %-y özektı emes. Bır qyzyǧy, däl osy JOO tülekterınıŋ jūmysqa ornalasu deŋgeiı de tömen. "Mobildı jūmyspen qamtu ortalyqtary" jobasy aiasynda Nūr-Sūltan, Almaty jäne Şymkent qalalarynda 220 myŋǧa juyq azamatqa qyzmet körsettık. Olardyŋ arasynda joǧary jäne orta bılımı bar 25-46 jastaǧy eŋbekke qabılettı adamdar bar. Bıraq diplomdary jūmys tabuǧa kömektespei otyr. Öitkenı 45% -ynda qoǧammen qarym-qatynas ornatu, komandamen jūmys ısteu, öz oiyn aşyq jetkızu, syni oilau qabıletı siiaqty eŋbek daǧdylary joq. Jūmys beruşılerdıŋ aituynşa, olarǧa oqu barysynda aqparatpen jūmys ısteudı üiretpegen, resmi hat jazyp, qūjatty dūrys toltyra da almaidy»,- deidı Oljas Ordabaev.
"Adyrna" ūlttyq portaly.
Foto aşyq derekközden alyndy.
