Densaumin uädesınen ainydy

OKQ brifingınde densaulyq saqtau vise-ministrı, Qazaqstannyŋ bas sanitarlyq därıgerı Erlan Qiiasov deputat Azat Peruaşevtıŋ talabyna tüsınıkteme berdı, dep habarlaidy «Adyrna» ūlttyq portaly zakon.kz. tılşısıne sılteme jasap. Azat Peruaşev būǧan deiın koronaviruspen auyrǧan därıgerlerge berıluge tiıs, bıraq alynyp tastalǧan ötemaqyny kerı qaitarudy sūraǧan bolatyn. Osyǧan bailanysty bergen jauabynda bas sanitar Qiiasov: «Qazırgı kezde būl ötemaqylardy töleudı jalǧastyru därıgerlerdıŋ özın de, medisinalyq mekeme basşylaryn da bosaŋsytyp, epidemiialyq şaraǧa qarsy küres jūmystarynyŋ älsıreuıne soqtyrady. Barlyǧy dei almaimyn, jekelegen faktıler boluy mümkın», -dedı. Sonymen qatar ol vedomstvo Ükımet pen Densaulyq saqtau ministrlıgı qabyldaǧan medisina qyzmetkerlerınıŋ densaulyǧy men qauıpsızdıgın qorǧau şaralary tiımdı dep sanaidy. Al eŋ bastysy, Qiiasov koronaviruspen auyrǧan därıgerge ötemaqy töleudı artyq dep sanaitynyn mälımdedı. Esterıŋızge salyp öteiık, būǧan deiın Densaulyq saqtau ministrlıgı pandemiia kezınde özı de koronaviruspen auyrǧan därıgerlerge jäne osy virustan köz jūmǧan därıgerlerdıŋ otbasyna arnaiy ötemaqy tölenetının aitqan bolatyn.   Foto aşyq derekközden alyndy.