Mäskeu qalasyndaǧy «Keŋester qanaty» sport keşenınde käsıpqoi boks keşı ötıp jatyr. Onda qazaqstandyq sportşy Firuza Şärıpova (11-1, 6 KO) öner körsettı. Būl turaly Sports.kz saityna sılteme jasap "Adyrna" ūlttyq portaly habarlaidy.
Şärıpova serbiialyq Sara Marianovichpen (7-7, 3 KO) kezdestı. Segız raundqa josparlanǧan jeŋıl salmaqtaǧy jekpe-jek töreşılerdıŋ bırauyzdy şeşımımen qazaqstandyq boksşynyŋ jeŋısımen aiaqtaldy. Osylaişa, Firuza Şärıpova profi-ringtegı 12-ınşı jeŋısıne qol jetkızdı.
26 jastaǧy sportşymyz üşın būl – 2020 jylǧy ekınşı kezdesu. Būǧan deiın ol tamyz aiynda Tanzaniia ökılı Heppi Daudidı (9-7-1, 4 KO) besınşı raundta nokautqa jıbergen bolatyn.
Serbiialyq Sara Marianovich bügın öz mansabynda segızınşı ret jeŋıldı. Mäskeudegı boks keşın «Qazsport»telearnasy men SHAMO BOXING Youtube-arnasynan tıkelei efirden köruge bolady.
Keş hedlainerlerı – reseilık boksşylar Şämıl Hataev (4-0, 1 KO) pen Grachia Margarian (7-1-1, 5 KO). Olar orta salmaqta WBA Asia chempiony tituly üşın aiqasady.
Suret avtory Serikjan Kovlanbaev
Ūqsas jaŋalyqtar
