Almatyda atys boldy

Baiserke auylyndaǧy demalys oryndarynyŋ bırınde atys boldy dep habarlaidy «Adyrna» ūlttyq portaly Baq.kz-ke sılteme jasap. Jelıde demays ornyndaǧy atys jaily video tarady. Videodan kadr syrtynda er adam polisiiaǧa qoŋyrau şalyp, Baiserkedegı demalys ornynda atys bolyp jatqanyn habarlap jatyr. Ekınşı er adamnyŋ jaljaldasyp jatqan qarsylastaryn sabyrǧa şaqyryp, mūnda barlyǧy balamen jürgenın aityp jatqanyn köruge bolady. Almaty oblysy polisiia departamentı atalǧan oqiǧanyŋ 31 qazan künı saǧat 16.00 şamasynda bolǧanyn habarlady. Būl oqiǧa almaty oblysy Ile audany Baiserke auylyndaǧy demalys oryndardyŋ bırınde bolǧan. Polisiiaǧa sonda demaluşylardyŋ bırıne belgısız adamdar qaruly şabuyl jasap, ömırıne qauıp töndırgenı turaly aqparat tüstı. Qazır osy derek boiynşa sotqa deiıngı tergeu amaldary jürgızılıp jatyr. Sondai-aq küdıktılerdı ūstau boiynşa keşendı jedel-ızdestıru jūmystary jürgızılıp jatyr, - dedı Almaty oblysy PD-nıŋ baspasöz qyzmetı. Oq tiıp jaraqat alǧan ekı adam Almaty qalasyndaǧy №4 klinikalyq auruhanasyna jetkızılgen. Ekeuı de profildı bölımşege jatqyzylǧan jäne medisinalyq kömek körsetılude. Jaǧdailary ortaşa auyr.