«Zaŋsyz aǧza auystyrdy» degen därıger aqtaluy mümkın

2 qaraşada Nūr-Sūltandaǧy qylmystyq ıster boiynşa audanaralyq mamandandyrylǧan soty "zaŋsyz aǧza auystyrdy" dep aiyptalǧan därıger-transplantolog Ǧani Qūttymūratov pen Şymkent qalalyq №1 klinikalyq auruhananyŋ bas därıgerı Abylai Donbaidy aqtady. Is jetı ai boiy jabyq rejimde qaraldy dep habarlaidy «Adyrna» ūlttyq portaly Azattyqqa sılteme jasap. "Transplantasiia jasaǧan därıgerler qūjattardyŋ jalǧan ekenın bılmegen. Barlyq operasiia resmi türde räsımdelgen qūjattarmen jasalǧan" dep habarlady sot. Qazaqstan IIM bır jyl būryn Donbai özı basqarǧan auruhanada Özbekstan, Qyrǧyzstan jäne Ukraina azamattarynyŋ büiregın alyp, İzrail azamattaryna zaŋsyz salǧan degen küdıkpen ūstalǧanyn habarlaǧan. 2 qaraşadaǧy sotta sudia Qūttymūratovty "käsıbi mındetın dūrys atqarmady" dep aiyptap, ekı jarym jylǧa türmege qamady. Sottyŋ habarlauynşa, Qūttymūratov aǧza auystyrǧanda nauqastardyŋ bırıne "VİCh jūqqan". Osy ıs boiynşa taǧy bır küdıktı Qyrǧyzstan azamaty Bermet Taisalova alty jylǧa bas bostandyǧynan aiyryldy. Ol "adam aǧzasyn zaŋsyz aluǧa itermeledı" jäne "jalǧan qūjat jasady" dep aiyptaldy. Tergeudıŋ deregınşe, Taisalova 2017 jäge 2018 jyly halyqaralyq ızdeude jürgen adamdarǧa Qazaqstanda organ almastyru boiynşa zaŋsyz kelısımder jasauǧa kömektesken.