Petropavldyqtar “Instagram” men “OLX”-tegi alaıaqtardyń aılasyna túsip qaldy, – dep habarlaıdy «Adyrna» ulttyq portaly IIM-ge silteme jasap.
Petropavlda “Instagram” men “OLX”-te alaıaqtyq áreketterdiń 95 faktisi tirkeldi. Búgingi kúni jedel ýákilderdiń aıtýynsha, bul platformalar arqyly tapsyrys berý nemese zattardy satý qaýipti ekendigin, sondaı-aq alaıaqtardyń munda da óz aılalaryn júzege asyratyndyǵyn atap ótti.
– Osyndaı onlaın saýda jasaý kezinde saq bolý kerek. Pikirlerge, akkaýnttardyń qurylǵan ýaqytyna nazar aýdarǵan durys. Bottardyń kómegimen qylmyskerler oń pikirler jazatyndyǵyn atap ketken jón. Tekserilgen ınternet-dúkenderge ǵana tapsyrys berý kerek, – dep toqtala ketti Petropavl q. PB bastyǵy Jandos Muqatov.
Petropavl turǵyny “OLX” arqyly qundyz tonyn satpaq bolady. “WhatsApp” nómirine alǵysy kelgen adam habarlasyp, kıip kórmesten satyp alamyn degen. Tonyn satqysy kelgen áıel kúdiktenip, birden satyp alýshymen baılanysyn toqtatqan. Jyl basynan beri Petropavlda 298 ınternet-alaıaqtyq tirkeldi.
«Adyrna» ulttyq portaly
