Şymkent qalasynyŋ audan aumaqtarynda qysqy jylu mausymyna daiyndyq jūmystary pysyqtaldy.
Mäselen, Abai audanynda 453 köpqabatty tūrǧyn üidıŋ 415-ı ortalyq jylu jüiesıne qosylǧan bolsa, olardyŋ barlyǧy bügınde qysqy jylu mausymyna daiyn. Al 38 köpqabatty üi jeke qazandyqqa köşken.
Atap aitqanda, «Quatjylu servis» JŞS – 225, «Jilkomhoz Şymkent» JŞS – 38 jäne «Nūr-D» JŞS boiynşa 28 üi qysqy mausymǧa daiyndaldy.
Audan äkımı B. Parmanovtyŋ aituynşa, qysqy jylu mausymynda qatty otyndy (kömır) paidalanatyn 3 987 jeke tūrǧyn üige 19 935 tonna kömırdıŋ qajettılıgı bar bolǧan. Bügıngı taŋda, körsetılgen 3 987 otbasyǧa 19 935 tonna kömır tasymaldanyp, tolyǧymen qamtamasyz etıldı.
Sonymen qatar, audandaǧy debitorlyq qaryz kölemı 192,2 mln teŋgenı qūrap otyr. 10 ai ışınde 128,6 mln teŋge qaryz öndırılgen nemese 39 % - ǧa azaiǧan. Debitorlyq qaryzdardy öndıru boiynşa tūrǧyndarǧa «Quatjylu» mekemesımen bırlese tüsındıru jūmystaryn jürgızu, qaryzy bar azamattarǧa tūrǧyn jaiy jäne jūmys orny boiynşa eskertu paraqtaryn taratu jūmystary qolǧa alyndy.
Şymkent qalasy äkımınıŋ baspasöz qyzmetı
