Memleket basşysynyŋ tapsyrmasyna säikes, qaladaǧy audan äkımdıkterımen «Halyq qatysatyn biudjet» jobasy qolǧa alynǧan bolatyn.
Şymkent qalasynda osy jobanyŋ bastaluy boiynşa qalalyq Ekonomika jäne biudjettık josparlau basqarmasynyŋ basşysy Rahymberdı Mülkemanov baspasöz brifingın ötkızdı.
Audan äkımdıkterı deŋgeiınde ūiymdastyrylyp jatqan «Halyq qatysatyn biudjet» jobasy pilottyq rejimde osyǧan deiın Nūr-Sūltan jäne Almaty qalalarynda jüzege asyrylǧan edı.
Rahymberdı Janysbekūlynyŋ aituynşa, jobany Şymkent qalasynda ıske asyru boiynşa ıs-şaralar jospary bekıtılgen. Bügınde 4 audan äkımdıgı tarapynan halyq qatysatyn biudjettı äzırleudıŋ Erejelerı men Saraptamalyq keŋesterdıŋ qūramy bekıtıldı. Sonymen qatar, jobany ıske asyru üşın open-Shymkent.kz arnaiy internet-resursy äzırlendı.
– Erteŋnen bastap tūrǧyndardan ötınımder, ūsynystar qabyldanady. Jalpy jobany jüzege asyrudyŋ 3 kezeŋı bar. Bırınşıden, sait arqyly tūrǧyndardan ūsynystar jinaqtalady. Iаǧni, tūrǧyndar audan äkımı apparaty qūzyretıne kıretın salalalar boiynşa talap-ūsynystaryn jıberuıne mümkındıgı bar. Aumaqty kögaldandyru, aiaqjoldardy jailastyru, pandustardy, aryqtardy salu jäne jöndeu, t.b., mäseleler boiynşa ūsyna alady. Jobaǧa audanda tırkelgen kez kelgen azamat qatysa alady, – dedı basqarma basşysy.
Jobanyŋ talaptaryna säikes, ekı apta ışınde jinaqtalǧan ūsynystar audan äkımdıgı tarapynan qūrylǧan Saraptamalyq keŋeske ūsynylady. Saraptamalyq keŋes jobalar tızbesın ırıktep, dauys beru üşın saitqa ornalastyrady. Dauys beru nätijelerı boiynşa köp dauys jinaǧan jobalar 2021 jyly audan äkımdıgı arqyly jüzege asyrylatyn bolady.
Şymkent qalasy äkımınıŋ baspasöz qyzmetı
