Prezident tapsyrmasyn oryndamaǧandar jauapqa tartylsyn

«Aqjol» partiiasy tez arada zardap şekken şaǧyn jäne orta biznestıŋ nesielerın 6% kölemınde qaita qarjylandyrudy bastaudy jäne Joldaudyŋ oryndalmauyna kınälılerdı jazaǧa tartudy talap etıp, arnaiy deputattyq saual joldady dep habarlaidy «Adyrna» ūlttyq portaly partiianyŋ baspasöz qyzmetıne sılteme jasap. Tiıstı deputattyq saualdy bügın Mäjılıs otyrysynda partiia töraǧasy Azat Peruaşev joldady. QR Premer ministrınıŋ, QR Ūlttyq bank töraǧasy men Qarjy naryǧyn retteu jäne damytu agenttıgınıŋ atyna jodanǧan saualda partiia jetekşısı: «Prezident Q.Toqaev biylǧy jyly 1 qyrküiektegı halyqqa Joldauynda «Ekonomikanyŋ zardap şekken sektorlarynda şaǧyn jäne orta biznestıŋ barlyq qoldanystaǧy nesielerınıŋ jyldyq paiyzdyq mölşerlemelerın 6%-ǧa deiın memlekettık subsidiialandyru qamtamasyz etudı» tapsyrdy. Prezident osy maqsattarǧa qosymşa 200 mlrd teŋge bölınetının, al subsidiialandyru baǧdarlamasynyŋ jalpy kölemı 800 mlrd teŋgege deiın jetkızıletının habarlady. Būl tapsyrma käsıpkerlık qauymdastyq ortasynda qyzu talqyǧa tüstı. Biylǧy jyldyŋ pandemiiaǧa qarsy kürespen bırge, auyr ekonomikalyq daǧdarysqa ainalǧan jyl bolǧany eşkımge qūpiia emes. «Atameken» Ūlttyq käsıpkerler palatasynyŋ derekterı boiynşa pandemiia men onyŋ saldarynan 1 mln-nan  astam käsıpker, iaǧni tırkelgen biznes subektılerınıŋ 3/2 zardap şektı, tötenşe jaǧdai men lokdaun şekteulerıne bailanysty 430 myŋnan astam käsıpker öz qyzmetın toqtatty, olardyŋ basym bölıgı älı künge deiın käsıpterın qaita ıske qosa almauda. Kölık qyzmetı, sauda jäne qyzmet körsetu salalary, tamaqtanu, qonaqüi biznesı, jyljymaityn mülık operasiialary jäne basqalary ülken şyǧyndarǧa ūşyrady. Esterıŋızge sala keteiık, «Aqjol» demokratiialyq partiiasynyŋ fraksiiasy biylǧy jyldyŋ nauryz aiynan bastap Ükımetke, Ūlttyq Bankke jäne Qarjy naryǧyn retteu jäne damytu agenttıgıne nesielerdı jai ǧana keiınge qaldyrudyŋ jetkılıksızdıgı, sondai-aq bankterdıŋ öz qalauy boiynşa nesielerdı şegındıretını turaly bırneşe ret saual qoiǧan bolatyn. Bız nesielerdı belgılı merzımge ūzartqanymen, qalǧan kezeŋde jinaqtalǧan tölemderdı öteu qajettılıgınıŋ tuyndaitynyn, būl biznestı jeŋıldetudıŋ ornyna olardyŋ boryştyq jüktemelerınıŋ kürt ösuıne alyp keletının bırneşe ret eskertken bolatynbyz. Biylǧy jyldyŋ 13 tamyzynda bız daǧdarysqa qarsy şaralar şeŋberınde qabyldanǧan jaŋa tömendetılgen nesielık mölşerlemeler boiynşa qoldanystaǧy nesielerdı būrynǧy boryştyq jüktemelerdı köşırmei qaita qarjylandyrudy ūsyndyq. Sondyqtan bız Prezidenttıŋ zardap şekken şaǧyn jäne orta biznestıŋ barlyq nesielerın 6% -ben qaita qarjylandyru turaly tapsyrmasyn asa maŋyzdy jäne tiımdı şara retınde qabyldadyq. Otandyq käsıpkerler üşın būrynǧy paiyzdyq mölşerlemelerdıŋ öte joǧary ekendıgın jäne öndırıstık ainalymnyŋ apatty türde tömendeuın eskersek, qazırgı jaǧdaida mūndai ıs-şaranyŋ öte özektı mäselelerdıŋ bırı bolǧanyn batyl aita alamyz. Prezident  Joldauy jariialanǧan künnen berı ekı ai öttı. Alaida «Aqjol» demokratiialyq partiiasyna barlyq öŋırlerdıŋ käsıpkerlerınen kelıp tüsken habarlarǧa süiensek, osy uaqytqa deiın bırde-bır oblysta nemese qalada mūndai qaita qarjylandyru bastalǧan joq. Köp jaǧdaida bankterdıŋ filialdary banktıŋ bas keŋselerınen tapsyrmalardyŋ joqtyǧyna sılteme jasap, käsıpkerlerdıŋ tiıstı ötınışterın qabyldaudan bas tartady. Al ötınışter qabyldanǧan bankterde olar jauapsyz jatuda. «Damu» Qory men damu instituttary turaly eşteŋe aitqymyz da kelmeidı, öitkenı olar būl şeşımder boiynşa bank jüiesıne täueldı. «Aqjol» demokratiialyq partiiasynyŋ fraksiiasy Memleket basşysy tapsyrmalarynyŋ biurokratiialyq äure-sarsaŋǧa salynyp, myŋdaǧan käsıpkerler küireu aldynda tūrǧanyna, al käsıpkerlerdı qoldauǧa bölıngen jüzdegen milliardtardyŋ qozǧalyssyz qaluyna jol berılmeuı kerek dep sanaidy. Osyǧan bailanysty, bız Ükımetten, Ūlttyq bankten jäne Qarjy naryǧyn retteu jäne damytu agenttıgınen pandemiiadan zardap şekken barlyq şaǧyn jäne orta biznes nesielerın şūǧyl türde jäne kıdırıssız 6%-ben qaita qarjylandyru şaralaryn bastaudy sūraimyz. Bız, sondai-aq, Prezident Joldauynyŋ oryndalmauyna, onyŋ toqtatyluyna jol bergen lauazymdy tūlǧalardy anyqtaudy jäne olardy jauapkerşılıkke tartudy sūraimyz" dedı.