Bügın qala äkımı Mūrat Äitenovke 9 aidyŋ qorytyndysy boiynşa
Eŋbekşı audanynyŋ äkımı Ǧalymjan İliasov esep berdı.
Eseptı kezdesuge qala äkımınıŋ orynbasary men basqarma basşylary qatysty. Audan äkımı öz baiandamasynda memlekttık baǧdarlamalardyŋ oryndalu barysy men atqarylǧan jūmystary jönınde mälımdedı.
Qala äkımı Eŋbekşı audanyn aralau barysynda körgen kemşılıkter boiynşa audan äkımınıŋ jūmysyn synǧa aldy. Mäselen, ötken jyldyŋ tiıstı kezeŋımen salystyrǧanda keibır salada tömen körsetkışter bar ekenı aityldy. Atap aitqanda, qysqy jylytu mausymyna daiyndyq öz deŋgeiınde emes. Qatty otyndy paidalanatyn 1632 jeke tūrǧyn üige 5068 tonna kömır qajettılıgı bar. Audan äkımdıgı tarapynan tek 4800 tonna jetkızılgen.
- Tūrǧyndar qalyŋ qar tüsken kezde qinalyp jürmeuı üşın, bügın daiyndyqty tolyǧymen atqaru kerek. Ärbır üige jyludyŋ qosylǧanyn jeke tekserıp şyǧu qajet. Küzgı jauyn-şaşynǧa irrigasiialyq aryqtar da tolyq tazalanbaǧan. Sonymen qatar, myna ındet barşany sanitarlyq tazalyqqa üiretıp jatyr. Al audandy aralasaŋ tek ortalyq jerler ǧana tazalanyp, qalǧan şalǧai mekenderde är jerde qoqys şaşylyp jatqany közge şalynady. Kommunaldyq jūmystar naşar deŋgeide jürgızılıp jatyr, -dedı qala äkımı.
Kemşılıkterdıŋ merzımınde oryndalmaǧanyn aitqan Mūrat Äitenov audan äkımıne sögıs beru jönınde şeşım qabyldady.
Şymkent qalasy äkımınıŋ baspasöz qyzmetı
