Şymkent qalasynda biyl avtomobil joldaryn jöndeu maqsatynda 261 nysan, iaǧni 416,8 şaqyrym jol men köşelerge qūrylys-jöndeu jūmystaryn jürgızuge qarjy qaralǧan. Būl qarjyǧa 15 nysanǧa qūrylys jūmystary, 10 nysanǧa qaita qūru, 6 nysanǧa kürdelı jöndeu, 225 nysanǧa ortaşa jöndeu jūmystary jürgızılse, 15 nysanǧa jobalyq-smetalyq qūjattama äzırlenedı.
Onyŋ ışınde 240 nysan nemese 304,9 şaqyrym jol aǧymdaǧy jyly paidalanuǧa berıletın bolady.
Şymkent qalasynyŋ jolauşylar kölıgı jäne avtomobil joldary basqarmasy mamandarynyŋ mälımdeuınşe, 9 ai qorytyndysy boiynşa bügıngı taŋda 225 nysanda nemese 260 şaqyrym jol jöndeu jūmystary aiaqtalǧan. Jyl soŋyna deiın taǧy 15 nysan (44,9 şq.) paidalanuǧa tapsyrylady.
Sonymen qatar, Respublika daŋǧyly (B.Momyşūly köşesınen beketke deiın), A.Asqarov köşesı (Respublika daŋǧylynan Abai daŋǧylyna deiın), Jangeldin köşesı (Aibergenov köşesınen Raşidova köşesıne deiın), Türkıstan köşesı (A.Baitūrsynov köşesınen Taşenov köşesıne deiın), A.Baitūrsynov köşesı (Türkıstan köşesınen Dendrosaiabaqqa deiın), T.Rysqūlov köşesı (A.Baitūrsynov köşesınen Äl-Farabi köşesıne deiın) velosipedşıler joly salynyp jatyr.
Şymkent qalasy äkımınıŋ baspasöz qyzmetı
