Azat Peruaşevqa jürgızuşıler şekaradaǧy elektrondy kezektıŋ olqylyqtaryn aitty

Azat Peruaşevtyŋ şekarada jük kölıkterın elektrondy kezekke qoiatyn jobaǧa köŋılı tolmady. Endı barlyq olqylyqtardy partiia töraǧasy Ükımet deŋgeiınde kötermek. Sebebı, jyl basynan berı şekarada kezegın kütken jük kölıkterdıŋ sany azaiar emes, dep habarlaidy QazAqparat tılşısı. Bügın Almaty oblysyndaǧy jūmys sapary barysynda «Aq jol» demokratiialyq partiiasynyŋ töraǧasy Azat Peruaşev Qazaq-Qytai şekarasyna bardy. Ol jerde «Nur joly» keden beketınde kezekte tūrǧan jürgızuşılerdıŋ şaǧymyn tyŋdady. Bırneşe aidan berı sarǧaia kezekterın kütken jürgızuşıler elektrondy kezektıŋ de jūmysy köŋılderınen şyqpaǧanyn aitady. Iаǧni, jürgızuşı kezegınıŋ jyljyǧanyn körıp otyrady. Bıraq onyŋ aldynda jäne odan keiın qandai jük kölıkterdıŋ tūrǧanyn köre almaidy. Däl osy jait azamattardyŋ kezek dūrys saqtalmaidy dep küdıgın tudyrǧan. Qazırdıŋ özınde 500-ge juyq kölık kezekte tūr. Şaǧymdardy tyŋdaǧan Azat Peruaşev mäselenı Ükımet deŋgeiınde köteretının jetkızdı. Aita keteiık, osydan bır ai būryn Almaty oblysyndaǧy «Nur joly» keden beketınde jük kölıkterı tolyqtai elektrondy kezekke qoiylatynyn habarlaǧan bolatynbyz. Panfilov audanynyŋ äkımdıgı mälımetınşe, būl kezekpen «Euro Transit« JŞS ainalysuda. E lımızde pandemiia bastalǧan sätten bastap «Nur joly» keden beketınde jük kölıkterdıŋ ūzyn-sonar kezegı qalyptasqan bolatyn. Tıptı kezekte tūrǧan kölıkterdıŋ ūzyndyǧy 60 şaqyrymnan asty. Mäselenıŋ kürdelenuıne Qytai tarapynyŋ kölıkterdı qabyldaudy kürt azaitqany sebep bolǧan.