«Sifrlyq Qazaqstan» baǧdarlamasy – sifrlyq tehnologiialardy qoldanu arqyly halyqtyŋ tūrmys deŋgeiın arttyrudy közdeitın maŋyzdy baǧdarlama. Onyŋ bır baǧyty – elektrondyq sauda. Saudanyŋ būl türı kompiuterlık jelılerdıŋ kömegımen biznes üderısterın jürgızedı.
Elektrondy saudanyŋ artyqşylyǧy qandai?
Elektrondy saudanyŋ arnaiy bır geografiialyq şekteuı joq. Sız tūrǧylyqty jerıŋızge qaramastan satyp aludyŋ şeksız mümkındıgıne ie bola alasyz. Sonymen qatar ol fizikalyq jaǧynan da qoljetımdı bolyp keledı. Iаǧni sız kezek kütıp, uaqytyŋyzdy zaia ötkızbeisız. Elektrondy saudanyŋ taǧy bır artyqşylyǧy - keşbek jinau. Tūtynuşy belgılı bır tauardy satyp alu arqyly bonus jinai alady. Biznesmender e-commerce-tı qoldanu arqyly jūmys küşın ünemdeu mümkındıgıne ie bolady.
Aqşa tölemı men audarymdar QR zaŋnamasynda belgılengen tärtıppen jüzege asady. Bügınde qaşyqtan satyp alu kezınde köbıne kredittık kartochkalar tölem qūraly retınde qoldanylady.
Tauarlarmen elekrondy sauda jasauda jeŋıldıkter qarastyrylǧan
Jeŋıldıkterdı qoldanu üşın salyq töleuşıler tauarlardy ötkızu jönındegı mämılemelerdı elektrondy nysanda räsımdeuı qajet. Sondai-aq tauardyŋ aqysy qolma-qolsyz tölemmen jüzege asuy tiıs.
Elektrondyq saudadaǧy deldaldyŋ mındetı qandai?
Elektrondyq saudadaǧy deldal "Sauda qyzmetın retteu turaly" 2004 jylǧy 12 säuırdegı Qazaqstan Respublikasy Zaŋynyŋ 29-1-babynyŋ 3 jäne 4-tarmaqtaryna säikes:
1) elektrondyq qūjattarda nemese elektrondyq habarlamalarda qamtylǧan aqparatty, onyŋ ışınde kommersiialyq jäne zaŋmen qorǧalatyn özge de qūpiiany qūraityn mälımetterdı jariia etpeidı;
2) eger elektrondyq saudanyŋ basqa qatysuşylarymen özı jasasqan şartta nemese Qazaqstan Respublikasynyŋ zaŋdarynda özgeşe közdelmese, elektrondyq qūjattardy (elektrondyq habarlamalardy) nemese olardyŋ köşırmelerın, onyŋ ışınde olarda qamtylǧan aqparatty üşınşı tūlǧalarǧa bermeidı;
3) eger elektrondyq saudanyŋ basqa qatysuşylarymen özı jasasqan şartta nemese Qazaqstan Respublikasynyŋ zaŋdarynda özgeşe közdelmese, elektrondyq qūjattardyŋ (elektrondyq habarlamalardyŋ) mazmūnyn ne olardy paidalanu tärtıbın özgertpeidı;
4) aqparattyq resurstarda qamtylǧan aqparattyŋ, onyŋ ışınde kommersiialyq jäne zaŋmen qorǧalatyn özge de qūpiiany qūraityn mälımetterdıŋ tūtastyǧy men qūpiialylyǧyn qamtamasyz etedı;
5) eger satuşy elektrondyq sauda alaŋynda jasalǧan mämıleler boiynşa satyp aluşy öz mındettemelerın oryndauy üşın jaǧdai jasalatynyn aiqyndasa, osyndai jaǧdailardy qamtamasyz etedı;
6) satuşynyŋ talaby boiynşa özınıŋ internet-resursynda elektrondyq sauda alaŋynda jürgızılgen sauda-sattyq qorytyndylary jönındegı aqparatty ornalastyrady.
Elektrondy sauda-sattyq kölemı ekı ese ösken
Biyl bırınşı jartyjyldyqta elımızde elektrondy saudanyŋ bölşek tauar ainalymyndaǧy kölemı bır jarym eseden asa ösken. Būl turaly Premer-Ministrdıŋ baspasöz qyzmetımälımdedı. Ükımet basşysy elektrondy saudanyŋ perspektivasy zor ekenın, ärı ekonomikanyŋ ılespe sektorlary – logistikaǧa, konteinerlık tasymaldauǧa, kurerlık qyzmetterge, sifrlyq servister men qyzmetterge, qolma-qol aqşasyz ainalymǧa, eŋbek naryǧyna jäne taǧy basqalarǧa multiplikativtı äserın tigızetının atap öttı.
«Bızdıŋ aldymyzda elektrondy sauda räsımderın jeŋıldetıp, qarjylandyruǧa jol aşatyn, internet arqyly mämıle jasauǧa senımdılıktı nyǧaitatyn, sondai-aq kiberqylmystarǧa qarsy äreket etuge mümkındık beretın tiımdı şaralardy qalyptastyru mındetı tūr», - dedı A. Mamin.
Al sauda jäne integrasiia ministrlıgınıŋ mälımetınşe, ötken jyly būl sauda naryǧynyŋ kölemı 700 mlrd teŋgeden asqan. Qazırgı taŋda
elektrondy saudanyŋ jalpy bölşek saudadaǧy ülesı 3,7%-dy qūraidy.
«Adyrna» ūlttyq portaly
