Tauly Qarabaq Putinnıŋ bas auruyna ainaldy

AQŞ prezidenttıgıne sailanǧan Djo Baidendı qūttyqtaǧandardyŋ arasynda Resei prezidentı Vladimir Putin joq. Esesıne ol keşe Kavkazdaǧy mazasyz aimaq – Tauly Qarabaq mäselesıne köp köŋıl böldı dep habarlaidy «Adyrna» ūlttyq portaly Azattyqqa sılteme jasap. Putin Fransiianyŋ jäne Türkiianyŋ basşylarymen Tauly Qarabaqtaǧy qaqtyǧysty telefon arqyly talqylady. Al Armeniia ötken tünı dauly aimaqtaǧy negızgı qala maŋynda "keskılesken ūrys" jürdı dep habarlady. 7 qaraşadaǧy telefonmen bolǧan sūhbatta Resei prezidentı Vladimir Putin men Fransiia prezidentı Emmanuel Makron Tauly Qarabaq aimaǧyndaǧy etnikalyq armiandar men Äzerbaijan küşterı arasynda soǧys jürıp jatqanyna jäne ūrysqa Siriia men Liviiadan kelgen jasaqtardyŋ aralasqanyna alaŋdauşylyq bıldırdı. Kreml taratqan mälımdemede osylai delıngen. Prezidentter Europadaǧy qauıpsızdık jäne yntymaqtastyq ūiymynyŋ (EQYŪ) Minsk toby arqyly jäne basqa joldarmen ekı tarapqa araaǧaiyn bolu äreketın jalǧastyratynyn aitty. Minsk toby Tauly Qarabaq dauyn şeşu maqsatynda 1992 jyly qūrylǧan, ony Resei, Fransiia jäne AQŞ bırlesıp basqarady. Sol künı Putin Türkiia prezidentı Rejep Taiyp Erdoǧanmen söilestı. Erdoǧan Resei basşysyna Armeniia Äzerbaijan jerınen şyǧyp, "kelıssöz üstelıne otyruy tiıs" degen pıkır aitqan. Būl mälımdemenı resmi Ankara taratty. 1990 jyldary Äzerbaijannan bölınıp şyqtyq dep jariialaǧan Tauly Qarabaq aimaǧynda biylǧy qyrküiektıŋ soŋynda qaqtyǧys qaita bastaldy. Sodan berı Äzerbaijan küşterı men Armeniianyŋ qoldauyna süienetın jasaqtar aimaqty baqylau üşın soǧysyp jatyr. Alty aptaǧa juyq atys saldarynan kemınde 1 myŋ adam qaza boldy. Qūrbandar sany būdan da köp boluy mümkın. Būl – şirek ǧasyrdan berı şeşılmei kele jatqan konfliktınıŋ eŋ qandy kezeŋı bolyp otyr. Bırneşe ret uaqytşa bıtımge talpynys jasalǧanymen, olar nätije bermedı. Türkiia separatistermen küreste Äzerbaijanǧa kömektesu üşın Qarabaqqa jaldamaly äsker jıberıp otyr dep aiyptalady. Sarapşylardyŋ aituynşa, Ankara ūzaqtan berı Mäskeu üstemdık etıp kele jatqan kelıssöz üstelıne otyrǧysy keledı. Mäskeu üstemdık etetın Ūjymdyq qauıpsızdık şarty ūiymyna jäne Euraziia ekonomikalyq odaǧyna müşe Armeniia dästürlı odaqtasty – Reseiden kömek sūrady. Sol künı Armeniia Äzerbaijan küşterınıŋ Tauly Qarabaqtaǧy basty eldımekenderdıŋ bırı Şuşidı (äzerbaijan tılınde Şuşa) atqylaǧanyn, olarǧa toitarys berılgenın habarlady. Äzerbaijan qorǧanys ministrı Şuşaǧa şabuyl jasaldy degen aqparat "mülde şyndyqqa janaspaidy" dedı. Töbede ornalasqan Şuşa bölıngendık dep jariialaǧan aimaq ortalyǧy – Stepanakerttı Armeniia aumaǧymen jalǧap jatqan küre jolda ornalasqan. Armeniia aimaqtyŋ täuelsızdıgın moiyndamaǧanymen, Qarabaqtaǧy separatisterdıŋ täuelsızdık jolyndaǧy küresın qoldaidy.