Jas Otan jastarynyŋ eŋbekqorlyǧyn körer köz, estır qūlaq moiyndap jür. Degenmen kei azamattar Jas Otannyŋ jüielı jūmysynan habardar bolyp otyrǧandy qūp köredı. Sondyqtan portal tılşısı Jas Otan jastar ūiymynyŋ töraǧasy Elnūr Beisenbaevtan ūiymnyŋ ışkı ahualy, aldaǧy josparlary turaly pıkırlesken edık. Endeşe sübelı äŋgımemızden susyndai otyryŋyz, oqyrman!-"Jas Otan" jastardyŋ mäselesın qanşalyqty qauzap jatyr? - Ärine, «Bolam degen balanyŋ betınen qaqpa, belın bu» dep beker aitpaǧan ǧoi. Janam degen jürekke ot beruge qaşanda daiynbyz. Mäselen, «Z ūrpaqtarynyŋ» azamattyq ūstanymdary, sapaly bılım aluy, jūmyssyzdyq, baspana, bos uaqyttaryn tiımdı paidalanu degen sekıldı tüıtkıldı mäseleler bäzdä alaŋdatpai qoimaidy. Osy atalǧan baǧyttar boiynşa bız auqymdy baǧdarlama äzırleu üstındemız. Al osy künge deiın türlı şaralar, konkurstar, oiyndar ūiymdastyru arqyly atalǧan mäselelerınıŋ şeşımın tabuǧa ynta-şyntamyzben kırısken edık. Degenmen auqymdyraq bolsyn degen nietpen, jastar arasynda saualnama jürgızu arqyly äleumettık hal-aqualyn köteruge yqpal etuge tiıs ekenımızdı ūqtyq.
- Pandemiia kezınde Jasotandyqtardyŋ da qarapaiym halyqqa tigızgen ülesı zor bolǧan şyǧar?
- 15 şılde künı jasotandyqtardyŋ bastamasymen «Därıgerlerge myŋ alǧys» respublikalyq aksiiasy bastadyq. Jalpy atalǧan aksiiaǧa el boĭynşa 445 volonter jūmyldyryldy. Volonterlardyŋ barlyǧy bırneşe baǧytta jūmys atqardy: Bıraz uaqyt boĭy öz otbasylarynan oqşaulauǧa mäjbür bolǧan 3 452 orta buyn medisina qyzmetkerlerıne «Alǧys paketterın» tabystady. Atalǧan jiyntyqtar därıgerlerdıŋ ūsynystary men tılekterı boĭynşa jinalǧan bolatyn. Atap aĭtqanda, paketterge imunitettı köteru üşın bal, limon, jent, üzılıs kezınde şäĭmen ışetın tättıler, sonymen qatar qolǧaptardy kiiuden paĭda bolǧan qolaĭsyzdyqtardyŋ aldyn alu üşın qol kremı, maĭlyqtar jäne t.b. salyndy.⠀COVID-19 nauqastarymen tıkeleĭ baĭlanystaǧy därıgerlerdıŋ immunitetın köteru üşın medisinalyq mekemelerge 465 litr qymyz jäne 150 litr şūbat jetkızıldı. Būdan basqa, 11,5 tonna auyz suy jäne 3 «Bobrov» apparaty ūsynyldy. Türkıstan oblysynda «SHIPA» jäne «O2MIR» jobalary ıske qosyldy. «O2MIR» jobasy aiasynda elımızde tapşy bolyp otyrǧan ottegı apparattary şetelderden öŋırdegı emhanalarǧa jetkızıldı. Al «SHIPA» jobasy arqyly orta deŋgeĭdegı därı-därmekter qorapşalary daĭyndalyp, 300 az qamtylǧan otbasyǧa ülestırıldı. Sondaĭ-aq, barlyq öŋırlerde qoǧamdyq oryndarda azamattyq jauapkerşılıktı arttyru maqsatynda tūrǧyndarǧa maska taratylyp, tüsındırme jūmystary jürgızılude. Joǧaryda körsetılgen baǧyttar boĭynşa jūmys älı de jürgızıletın bolady.
- Tamaşa! Bügıngı jastardyŋ boiynda ruhani jıger, küş-qairat degen jetıp artylady. Degenmen olardy da qozǧauşy küş kerek. Jastardy qalai motivasiialaisyzdar?
- Ärine, jas tūrmaq ülken kısılerge ömır süruge stimul, motivasiia kerek-aq. Sondyqtan olarǧa Abai aitqan üş arsyzdan saqtanu kerektıgın barynşa tüsındırıp baǧamyz. Seminar-sabaqatysuǧa mümkındık jasaimyz. Sonymen qatar, Jas Otanda bolyp, volonter retınde erıktı eŋbekke aralasyp, qoldan kelgenşe kömek körsetıp, aqyly men janyn, jüregın jūmysqa arnaǧan jastarǧa motivasiia retınde syi-siiapattar da beremız. Jastardyŋ ortasy qaşanda qyzyq dumanǧa toly ǧoi. Olar da özderınıŋ ortasyn joǧaltyp alǧysy kelmeidı. 20 jyldyq qalyptasu kezeŋınen ötken jastar ūiymynyŋ bererı mol ekenın özderı jaqsy tüsınedı. ⠀
- Elımızde jūmysta da, oqu da joq NEET jastary barşylyq. Olarǧa qandai kömek körsetudesızder?
- NEET jastaryna arnalǧan memleket tarapynan ūsynylǧan jobalardyŋ basym bölıgıne qatysudamyz. Diskustyq alaŋdar, sporttyq şaralar, jiı ötkızıletın jiyndar bärı-bärı NEET jastaryna arnalǧan. Jūmyssyzdyqty tübegeilı joiuǧa bır ǧana Jas Otannyŋ ǧana emes, özge de memlekettık organdar üles qosuy kerek. Şyn mänınde jūmys joq emes, bar. Tek ızdenu kerek, eŋbek etu kerek, jürekte qajyr-qairat bolu kerek. «Jūmysy joqtyq, tamaǧy toqtyq–azdyrar adam balasyn» dep däl aitylǧan. Tıptı jastardyŋ jūmyssyzdyq mäselesın şeşu üşın «Keŋes» ortalyqtary da aşylǧan. Keŋes ortalyqtary jastardyŋ janyna qajettıŋ bärıne keŋes berıp, jaŋa baǧdarlamalarǧa qatysuǧa nūsqau beredı. Bügıngı jastardyŋ basty mäselesı baspana men jūmysqa kelıp tıreletını aqiqat. Baspana mäselesın «Jas otbasy» baǧdarlamasy arqyly şeşuge barymyzdy saludamyz. Iаǧni jeŋıldetılgen nesie arqyly baspanaǧa baǧyt bermekpız. Odan bölek 17 jataqhanaǧa monitoring jürgızıp, partiialyq sailaudyŋ kün tärtıbıne engızdık. Sol jerde jataqhana mäselesı barynşa qaralady.
- Jas Otan dese oiymyzǧa sözsız Nūr Otan oralady. Sondyqtan bolar halyq "Jas Otannyŋ" atqaryp jatqan jūmystarynan habarsyz. "Jas Otannyŋ" bolaşaqqa qandai josparlary bar? Qandai şaralar ūiymdastyrmaq oilaryŋyz bar?
- 20 jyldyq tarihy bar Jas Otan bügıngı taŋda ornyqqan jastar ūiymynyŋ eŋ negızıgısı bolyp tabylady. Sebebı mūndaǧy jastar–elım degen, erteŋın oilaityn, halqy üşın qyzmet etetın ūltşıl jastar. Bügıngı taŋda 2025 jylǧa deiıngı «Jastar-Otanǧa!» baǧdarlamasy äzırlenu üstınde. Ol baǧdarlamanyŋ erekşelıgı sol – jastardy jan-jaqty qoldaityn bolady. Sondai-aq, «Jas Otan» Jastar qanatynyŋ «Ardagerlerdı ardaqtaiyq», «Erıktıler mektebı», «Keŋes ortalyǧy» syndy jäne t.b. jobalary jüielı türde jüzege asyryluda. Ol, ol ma? Eŋbek naryǧynyŋ qajettılıkterıne säikes jastardy käsıptık daiarlau, jastardyŋ eldıŋ saiasi ömırıne aralasuy, jastar käsıpkerlıgın damytu, tūlǧalyq damu mektepterınıŋ de jūmysyn jandardyru kün tärtıbıne qoiylǧan alǧaşqy mäselelerdıŋ bırı.
-Sızdıŋşe, naǧyz Jasotandyq degen kım?!
- Naǧyz Jasotandyq–tabandylyǧymen erekşelenetın jan.
- Naǧyz Jasotandyq–jalyndy söz ben jasampaz ıstıŋ iegerı.
- Naǧyz Jasotandyq– tyŋ bastamalardyŋ köşbasşysy.
- Naǧyz Jasotandyq–şynaiy otansüigıştık pen janqiiarlyq eŋbektıŋ ülgısı. Jäne Otanyn şeksız süietın patriot azamat.
«Adyrna» ūlttyq portaly
