Halyq ünıne qūlaq asatyn memleket

«Halyq ünıne qūlaq asatyn memleke» nemese «Estuşı memleket» - būl tūjyrymdamany 2019 jyly 2 qyrküiekte Qazaqstan Respublikasynyŋ Prezidentı Qasym – Jomart Toqaev öz joldauynda aitqan bolatyn. «Azamattardyŋ, halyqtyŋ barlyq ötınış-tılekterın jedel türde ärı tiımdı qarastyratyn «Halyq ünıne qūlaq asatyn memleket» tūjyrymdamasyn ıske asyru, barlyǧymzǧa ortaq mındet». Bilık pen qoǧam arasynda tūraqty dialog ornatu arqyly ǧana qazırgı geosaiassi ahualǧa beiımdelgen üilesımdı memleket qalyptastyruǧa bolady. Sondyqtan azamattyq qoǧamǧa qoldau körsetıp, onyŋ äleuetın nyǧaita tüsu kerek. Sondai-aq, asa maŋyzdy jalpy memlekettık mındetterdı şeşu üşın talqylau jūmystaryna azamattyq qoǧamnyŋ mümkındıkterın keŋınen qoldanu qajet», delıngen joldauda. İä,osy tūjyrymdamanyŋ arqasynda bilık pen qoǧamnyŋ arasyndaǧy alşaqtyq, memlekettık organdar men qarapaiym azamattardyŋ arasyndaǧy qarym-qatynas bır jüiege kelıp, elımızdıŋ ärbır azamatynyŋ ünın estitın memlekettık apparat qalyptasady degen senımdemız. «Estuşı memlekette»- eŋ basty orynda halyqtyŋ müddesı tūrady, memlekettık organdar men qoǧam arasyndaǧy öz ara qarym-qatynas mehanizmı qalyptasqan boluy tiıs, halyqtyŋ memlekettıŋ  qabyldaǧan şeşımderıne eş kedergısız qatysuǧa mümkındıgı boluy jäne osy şeşımderdı qabyldarda öz pıkırlerın de aşyq jetkıze aluy tiıs. Estuşı memleket tūjyrymdamasynda memlekettık organdardyŋ eŋ basty tapsyrmasy- ol azamattardyŋ sūranystaryn qanaǧattaryndyra bıluı kerek. Estuşı memlekettıŋ maqsaty – ol azamattardyŋ ötınış-tılekterın jinap, qarastyru ǧana emes, sol ötınışterdegı mäselelerdı şeşu üşın azamattardyŋ özın ıske tartu jäne bolaşaqta sol olqylyqtardyŋ bolmauy üşın şaralar qoldanu. Būl tūjyrymdama tek eldıŋ astanasy ne bolmasa ırı qalalar aiasynda ǧana emes elımızdıŋ tükpır-tükpırın qamtidy.  Iаǧni şalǧai auyldardaǧy äkımder bolsyn, memlekettık organdardyŋ ökılderı bolsyn būdan şet qalmaidy. "Bız sifrlarmen, faktılermen, ıs - ärekettermen sendıre otyryp, azamattardyŋ synyna jäne syndarly ūsynystaryna jedel den qoia otyryp, olardyŋ senımın qalpyna keltıruımız kerek", - dep atap ötken edı Prezidentımız. Osy  «Halyq ünınen qūlaq asatyn memleket» - tūjyrymdamasyn jüzege asyru memlekettık organdar üşın  däl qazırgı kezde qatty qiyndyqtar tudyrmaidy degen senımdemız. Öitkenı qazırgı uaqytta, barlyǧymyz derlık ǧalamtordy qoldanamyz, äleumettık jelılerdı keŋ kölemde paidalanymyz. Memlekettık organdar, tıptı sol memlekettık organdardyŋ ökılderı, basşylary äleumettık jelılerde öz paraqşalaryn aşyp, tırkelıp halyq pen aşyq dialog qūruǧa eşkımde kedergı keltırmeidı. «Halyqpen tiımdı kerı bailanys ornatu» - kerektıgın Prezident öz joldauynda da tılge tiek etken bolatyn. «Qoǧamdyq dialog, aşyqtyq, adamdardyŋ mūŋ-mūqtajyna jedel nazar audaru memlekettık organdar qyzmetınıŋ negızgı basymdyqtary sanalady» - delıngen joldauda. Qazırgı taŋda «Estuşı memleket» tūjyrymdamasy şeŋberınde Qazaqstan  Respublikasy Qarjy ministrlıgıne qarasty Memlekettık kırıster komitetı Nūr-Sūltan qalasy boiynşa memlekettık kırıster departamentınıŋ instagramm jelısındegı paraqşasynda atalǧan departamenttıŋ memlekettık qyzmetşılerınıŋ qatysuymen tıkelei efirler seriiasy bastalyp kettı. Prezidenttıŋ özınıŋ bastamasymen  qolǧa alynyp, jüzege asyp jatqan būl bastamaǧa öz ülesın qosu azamattarǧa berılgen ülken mümkındık bolsa, şeneunıkter üşın öz bılıktılıkterın, käsıbilıkterın ortaǧa salatyn kez.