2020 jyldyŋ säuır – qazan kezeŋınde Qazaqstan Respublikasy ŪQK şetelden QR-ǧa sintetikalyq esırtkı jetkızudı, sondai-aq olardy jasaudy jäne «Borat24» internet-dükenı arqyly satudy jüzege asyrǧan transūlttyq qylmystyq top äreketınıŋ jolyn kesu boiynşa auqymdy operasiia ötkızdı, dep habarlaidy "Adyrna" ūlttyq portaly ŪQK-ne sılteme jasap.
Transūlttyq esırtkı qūrylymyna 34 qatysuşy ūstalyp, 8 esırtkı zerthanasy joiyldy. Elımızdıŋ ırı megapolisterı – Nūrsūltan, Almaty men Şymkentke kontrabandalyq jolmen äkelıngen 40 kg psihotroptyq zat alyndy. Alynǧan esırtkınıŋ qara naryqtaǧy bölşek qūnynyŋ boljamdy baǧasy 600 mln. teŋgenı qūraidy (80 myŋ mölşerleme).
Odan basqa, «bitkoindar» satyp alu jäne olardy şetelge şyǧaru boiynşa qarjy operasiialaryn jüzege asyru jolymen esırtkı satudan alynǧan aqşalai qarajatty zaŋdastyrudy ūiymdastyrǧan zaŋsyz kriptoaiyrbastauyştar äreketınıŋ joly kesıldı. Būl rette, alynǧan aqşany zaŋdastyru üşın kömekşıler jasaǧan 6 jyljymaly «maining ferma» anyqtaldy. Esırtkı qūrylymynyŋ kömekşılerı 2 jylda (2018 jylǧy qaŋtar men 2019 jylǧy jeltoqsan aralyǧynda) 2,5 mlrd. teŋgeden astam somany zaŋdastyrǧan.
Körsetılgen faktıler Qazaqstan Respublikasy Qylmystyq Kodeksınıŋ 297-baby 4-t., 264-baby 2-t., 286-baby 4-t. jäne 218 baby 3-t. boiynşa
STBT-ǧa tırkeldı.
Foto aşyq derekközden alyndy
"Adyrna" ūlttyq portaly
