On jyldan astam uaqyt boiy Qazaqstan Prezidentı Nūrsūltan NAZARBAEVTYŊ esımımen atalǧan Armeniianyŋ Şirak oblysy, Artik audany, Arich auylyndaǧy köşe atausyz qaldy, dep habarlaidy «Adyrna» ūlttyq portaly Azattyq radiosyna sılteme jasap.
"Nazarbaev Armeniiaǧa kelmedı"
Arich auyly äkımşılıgınıŋ basşysy Roland Nazaretiannyŋ aituynşa, Nazarbaev köşesınıŋ atauyn özgertu turaly şeşım ötken aptada auyl aqsaqaldary keŋesınıŋ otyrysynda qabyldanǧan. — Bız dūrys äreket jasadyq dep oilaimyz. Sebebı Nazarbaev Armeniiaǧa kelgemedı. Ol: "äzırbaijandar – bızdıŋ bauyrymyz, armiandar olardy öltırdı", - dedı. Būl nenı bıldıredı? - dep auyl basşysy sūraq qoiady. Jaqynda Tauly Qarabaq aimaǧyndaǧy qaqtyǧystar kezınde Qazaqstan Prezidentı Armeniia men Äzırbaijandy qaqtyǧysty beibıt jolmen şeşuge şaqyrdy. Nazaretian aitqan mälımdeme bolmaǧan edı. Bırneşe kün būryn Arich auylynda "Nazarbaev köşesı"degen belgı alynyp tastaldy. Köşege jaŋa atau älı berılgen joq. - Ataulardyŋ tört-bes nūsqasy bar. Äzırge naqty şeşım qabyldanǧan joq, - deidı Roland Nazaretian. Arich auylynda Nazarbaev atyndaǧy köşeden basqa, jergılıktı kıtaphanada oǧan arnalǧan būryş bar. Nazaretian būryşqa qol tigızbegenın, bıraq qabyrǧadan Nazarbaevtyŋ ülken portretın alyp tastady deidı. Arich auylynyŋ tūrǧyny Tigran Manveliannyŋ aituynşa, Tauly Qarabaq saldarynan Äzırbaijan men Armeniia arasyndaǧy qaqtyǧys jaqynda şielenısıp, osy oqiǧalarǧa bailanysty Qazaqstan tarapynan aitylǧan mälımdemelerden keiın auyl tūrǧyndary qatty aşulanǧan. Joǧarydan Nazarbaev köşesınıŋ atauyn özgertu turaly nūsqau kelıp tüstı jäne aqsaqaldar keŋesı tiıstı şeşım qabyldaǧan. - Şynymdy aitsam, bızdıŋ äkımşılık barynşa qarsy tūrdy. Bıraq sız bılesız be, būl mümkın bolmady. Öitkenı joǧarydan olar qatty qysym jasap, talap ettı. Mındettı türde basqa esım emes, bızdıŋ qūrmettı Nazarbaevtyŋ esımın alyp tastau kerek boldy. Auyl tūrǧyndary da būǧan qatty aşulandy. Sebebı būl soǧysta (Tauly Qarabahtaǧy qaruly qaqtyǧys - Red.) jastar şeiıt boldy, - deidı Tigran Manvelian.Qazaqstan elşılıgı ne deidı?
Jergılıktı tūrǧyndardyŋ aituynşa, Arich auylynda Nazarbaev atyndaǧy köşe 1995 jyly ekı halyq arasyndaǧy dostyq qarym-qatynas qūrmetıne aşylǧan. Qazaqstannyŋ Armeniiadaǧy Elşılıgınıŋ bastamasymen 2011 jyly auyldyq kıtaphanada Prezident Nūrsūltan Nazarbaevqa arnalǧan būryş aşyldy. Būǧan deiın Azattyq Qazaqstan Elşılıgı jergılıktı kıtaphanaǧa jylyna bırneşe ret syilyqtar beretının jazǧan bolatyn. Degenmen, Qazaqstannyŋ Armeniiadaǧy elşılıgınıŋ ökılderı Arichta "Nazarbaev köşesı resmi türde mülde joq" dep otyr. - Resmi türde ol jerde (Arich auylynda – Red.) mūndai köşe joq. Auyl tūrǧyndary özderı köşenıŋ aty jazylǧan taqtaişany ılıp qoiǧan, - deidı elşılık ökılı Äsker Kiıkov. Alaida Arich auyly äkımşılıgınıŋ basşysy Roland Nazaretian köşege Nazarbaevtyŋ esımın beru turaly arnaiy şeşım bolǧanyn aitady. Nazarbaev atyndaǧy köşe atauynyŋ küşın joiuǧa 8 säuırde Erevanda ötkızu belgılengen EEOKO-ǧa qatysuşy memleketterdıŋ premer-ministrlerınıŋ ükımetaralyq keŋesı otyrysynyŋ būzyluy sebep boldy. Qazaqstan premer-ministrı Kärım Mäsımov osy sammittı Mäskeude ötkızudı ūsynyp, Erevanǧa barudan bas tartqannan keiın otyrys toqtatylǧan. Armeniia Tauly Qarabaq töŋıregındegı qaqtyǧystyŋ kezektı şielenısuı barysynda Äzerbaijandy qoldau üşın Qazaqstan Erevanda EEOKO sammitın ötkızuge qarsy şyqty dep eseptedı. Arich armian auylyndaǧy köşe Nazarbaevtyŋ esımımen bırınşı bolyp atalmaǧan. Ötken jyly Tatarstan astanasy Qazanda Esperanto köşesı jergılıktı tūrǧyndardyŋ narazylyǧyna qaramastan Nazarbaev atyndaǧy köşe bolyp özgertıldı. Sondai-aq byltyr Türkiiada Adan qalasynda Nazarbaev atyndaǧy köşe paida boldy. Būl – Türkiiadaǧy Nazarbaev atyndaǧy törtınşı köşe. Bıraq armian auylyndaǧy köşe Prezident Nūrsūltan Nazarbaevtyŋ esımı joǧalyp ketken alǧaşqy köşe boldy.Avtor: Maqpal MŪQANQYZY
Orys tılınen audaryp, daiyndaǧan Aijan PERDEBEKQYZY
«Adyrna» ūlttyq portaly
