Pavlodar oblysynyŋ aumaǧynda jyl basynan berı otbasylyq-tūrmystyq qatynastar salasynda 2514 äkımşılık qūqyq būzuşylyq tırkelgen, – dep habarlaidy «Adyrna» ūlttyq portaly Polisia.kz-ke sılteme jasap.
6 qaraşada äiel adam Pavlodar qalasynyŋ poliseilerıne bırge tūratyn er adamnyŋ otbasylyq janjal şyǧarǧanyn aityp, şaǧymdanǧan. Körsetılgen mekenjaiǧa kelgen polisiia qyzmetkerlerı otbasyndaǧy auyzşa aitystyŋ töbeleske ūlasyp, er adamnyŋ äielge qol jūmsaǧanyn anyqtady. Otaǧasynyŋ ışımdık ışkenı erlı-zaiyptylardyŋ arasyndaǧy kikıljıŋnıŋ sebebı bolǧan.
Qūqyq būzuşyǧa qatysty QR Äkımşılık qūqyq būzuşylyq turaly kodeksınıŋ 73-babymen (Otbasy-tūrmystyq qatynastar aiasyndaǧy qūqyqqa qarsy äreketter) hattama toltyryldy. Mūndai otbasylyq qaqtyǧystardyŋ polisiiaǧa kün saiyn tüsetının aita ketu kerek.
– « 2020 jyldyŋ 10 aiynda Pavlodar oblysynyŋ aumaǧynda otbasylyq-tūrmystyq qatynastar salasynda 2 514 äkımşılık qūqyq būzuşylyq jasaldy»,-dedı Pavlodar oblysy Polisiia departamentı bastyǧynyŋ bırınşı orynbasary Jasqairat Qaiyrov.
«Adyrna» ūlttyq portaly
