Şymkentte tuǧan äkesınen jüktı bolyp, qyz bosandy degen mektep oquşysy jaiynda basqaşa mälımetter şyǧyp jatyr,dep habarlaidy «Adyrna» ūlttyq portaly Euraziia bırınşı arnasyna sılteme jasap.
Qalalyq bılım basqarmasynyŋ basşysy Janat Täjievanyŋ aituynşa, oquşynyŋ jasy 15-te emes 17-de körınedı. Ärı öz äkesınen jüktı boldy degen äŋgıme şyndyqqa janaspaidy eken. Bıraq boijetkennıŋ kımnen köterıp qalǧany belgısız. Tuystary polisiiaǧa şaǧymdanbaǧandyqtan, ıs jarty jolda qysqaryp ketken.
«Şyndyǧyna kelgende ol 11-synyptyŋ oquşysy. Qyzdyŋ jasy 17-de bolǧan. Özderıŋız bılesızder, 16 jasqa deiıngı ol sol erte jüktılıkke jatady. Qyzdyŋ jasy 17-ge kelgen. Ata-anasynyŋ nemese basqa da jaqtardan men qūzyrly organdardan sūrandyq. Eşqandai aryzdar kelıp tüspegen»,-dedı basqarmasa basşysy.Sondai-aq, qalanyŋ bas pedagogy būl jaǧdaidyŋ aqpan aiynda bolǧanyn aitty. Şäkırtınıŋ aiaǧy auyr ekenın sezgen mūǧalımderı ony keşkı mektepke auystyrypty. Qazırgı taŋda näreste qyzdyŋ anasynyŋ qamqorlyǧynda eken. Eske sala keteiık, būǧan deiın 15 jastaǧy qyz balanyŋ bosanǧany jaiynda aitylǧan. Sol kezde Şymkent qalalyq bılım basqarmasynyŋ bas mamany oquşynyŋ jüktılıgıne äkesınıŋ qatysy bar boluy mümkın degen edı.
«Adyrna» ūlttyq portaly
