Qazaqstan şeteldık investorlarǧa 25 jyl boiy jeŋıldık jasaidy, dep habarlaidy «Adyrna» ūlttyq portaly «Habar 24» arnasyna sılteme jasap.
Būl turaly Prezident şeteldık investorlar keŋesınde aitty.
«Älem elderınıŋ tabysy 10,7%-ke azaidy. Bır jylǧa jeter-jetpes uaqytta 3,5 trln dollar joǧaltty. İnvestisiia tartu ötkır mäsele ainaldy. Onyŋ kölemı biyl 40%-ke azaidy. Kelesı jyly taǧy 10%-ke tömendeidı. Būl – dabyl qaǧatyn jaǧdai. Qazır älem elderı virustyŋ zardabyn tartyp otyr. Būl ındet Qazaqstandy da ainalyp ötpedı. Osyndai qiyn sätte Qazaqstanǧa qol ūşyn sozǧan investorlarǧa alǧys aitqym keledı. Olar aianyp qalǧan joq. Qal-qadırınşe kömektestı. Bız investorlardyŋ alaŋsyz jūmys ısteuıne älı de jaǧdai jasaimyz. Sondyqtan aldaǧy uaqytta bırlesıp qyzmet qylamyz degenge senemın»,-dep mälımdedı ol.Jiyn barysynda Aziia damu bankınıŋ vise-prezidentı de Qazaqstanǧa kömek körsetuge daiyn ekenın jetkızdı.
«Aziia damu bankı biyl jyzda Qazaqstanǧa 1 mlrd dollar kölemınde kömek körsettı. Nesie retınde berılgen qarajat densaulyq saqtau salasyn damytuǧa jūmsaldy. Qarjylyq daǧdaryspen küresu üşın bızdıŋ bank Qazaqstanǧa taǧy da kömek körsetuge daiyn»,-dedı Aşok Lavasa.
«Adyrna» ūlttyq portaly
