Bügın elımızdıŋ eŋ bai gerbarii qory men zamanaui jabdyqtarmen jabdyqtalǧan agrohimiialyq zerthanany almatylyq jurnalister men blogerler tamaşalady dep habarlaidy «Adyrna» tılşısı.
"Azamattarǧa arnalǧan ükımet" memlekettık korporasiiasynyŋ Almaty qalasyndaǧy filialy -Agrohimiialyq, topyraqty zertteu jäne keşendı–ızdestıru jūmystary departamentı BAQ ökılderı üşın 2020 jyldyŋ 9 aiyndaǧy jūmys qorytyndysy boiynşa baspasöz turyn ūiymdastyrdy.
Turǧa qatysuşylar mekemenıŋ körme zalynda 60 jyldan astam uaqyt boiy jinalǧan mūraǧattyq materialdarmen tanysty. Sondai-aq, jurnalisterdıŋ nazaryna Departamenttıŋ bai gerbarii qory ūsynyldy, onda japyraqtardyŋ 10 myŋ türı jäne ösımdıkterdıŋ 3 myŋ türı saqtalǧan. Sonymen qatar, BAQ ökılderı zamanaui agrohimiialyq zerthanaǧa bardy.
«Qazırgı uaqytta bızdıŋ mamandar dalalyq jūmystardy pysyqtap, kameraldyq jūmystardy jäne elektrondyq kartalardy jasaumen ainalysuda. Alty auyldyq okrugte 690 myŋ gektar alqapta topyraq ızdestıru boiynşa elektrondyq kartalar jasalyp, MQISA-ǧa bırıktırıletın bolady. Būdan basqa (2020 jyldyŋ 9 aiynda) Jambyl oblysynyŋ Jambyl jäne T.Rysqūlov audandarynda – 500,0 myŋ ga. jūmystar aiaqtaldy. 300-den asa şarua qojalyqtaryn pasporttau jūmystary jürgızıldı. Sonymen qatar, 3100,0 myŋ gektar alaŋǧa geobotanikalyq zertteu jürgızılıp, endı onyŋ elektrondyq geobotanikalyq kartalary jasaluda», - deidı Departament direktory Bolat Jylqybekov.
Departament 2020 jyldyŋ mamyr-qazan ailary aralyǧynda 690 myŋ ga alqapta topyraq zertteu, 670 myŋ ga juyq alqapta auyl şaruaşylyǧy maqsatyndaǧy jerlerdıŋ topyraq bonitirovkasyn anyqtau, 400 myŋ ga alqapta jer monitoringı boiynşa jūmys ūiymdastyrdy, 690 myŋ ga jerge arnalǧan elektrondyq topyraq kartasy jasaldy.
"Bızdıŋ mamandardyŋ eŋbegı joǧary baǧaǧa laiyq. Biyl är brigadanyŋ qūramynda 4 adam bar 10 dalalyq brigada qūrylyp, jūmys ıstedı. Ärbır tekseru brigadasy orta eseppen 75 myŋ gektar jaiylym men şabyndyqty igergen. Bır şabu alaŋy 1,7 gektardy sipattaidy, relefke jäne türlerge bailanysty olar köp boluy da mümkın. Künıne orta eseppen 1,9 gektar jerge zertteu jürgızılıp otyrdy», - dep tüiındedı Jylqybekov.
«Adyrna» ūlttyq portaly
