Senat az qamtylǧan köpbalaly otbasylarǧa arnalǧan tūrǧyn üi şyǧyndaryn ūlǧaitudy ūsyndy, - dep habarlaidy «Adyrna» ūlttyq portaly Baq.kz-ke sılteme jasap.
Qazaqstanda tek 2021 jyly jastar men az qamtylǧan köpbalaly otbasylarǧa arnalǧan 12,7 myŋnan astam päter salynatyn bolady. Būl maqsatqa respublikalyq biudjetten 94,4 mlrd teŋge bölınedı.
Senat deputattary elımızdıŋ basty qarjy qūjatyn zerdelep, äleumettık jobalardy ıske asyruǧa basa nazar audardy.
Aldaǧy üş jyldyq kezeŋge arnalǧan biudjettegı negızgı basymdyq - adamdardyŋ äleumettık mäselelerın şeşu, 2021 jylǧy biudjet şyǧystarynyŋ 50%-dan astamyn äleumettık sala şyǧystary qūraidy, - dedı Senat töraǧasy Mäulen Äşımbaev.
Baspanamen qamtamasyz etıluı tiıs adamdardyŋ qatarynda jūmys ısteitın jastar da bar. 2021 jyly olarǧa jalpy somasy 21,6 mlrd teŋgege 3 myŋ päter salu josparlanyp otyr.
Aldaǧy jyly äleumettık älsız sanattaǧy qazaqstandyqtar öz baspanasyna ie bolady, olarǧa 4,7 myŋ päter salynady, ol üşın biudjetke 32,8 mlrd teŋge salyndy.
«Nūrly jer» baǧdarlamasyna jalpy alǧanda 2021-2023 jyldarǧa arnalǧan respublikalyq biudjette 595 mlrd teŋge qarastyrylǧan.
Eske sala keteiık, osyǧan deiın Senatta QR Ūlttyq bankınıŋ töraǧasy Erbolat Dosaev Senattyŋ jalpy otyrysynda mūnai naryǧyndaǧy jaǧdaiǧa bailanysty pıkır bıldırgen edı.
Foto aşyq derekközden alyndy
«Adyrna» ūlttyq portaly
