Endı qazaqstandyqtardyŋ Cambridge English emtihanyna daiyndaluǧa mümkındıgı bar dep habarlaidy «Adyrna» ūlttyq portaly M.S. Närıkbaev atyndaǧy KAZGIýU Universitetınıŋ baspasöz qyzmetıne sılteme jasap.
Jyl saiyn būl emtihandy älemnıŋ 170 elınde bes million adam tapsyrady. Atalǧan aǧylşyn tılın üiretu täsılın osydan 107 jyl būryn Kembridj universitetı qūrastyrǧanyn atap ötken jön. Cambridge English halyqaralyq emtihanynyŋ IELTS nemese TOEFL emtihandarynan artyqşylyǧy - jaramdylyq merzımı boiynşa şekteuı joq.
Cambridge English emtihanynyŋ qazaqstandyqtarǧa qandai paidasy bar? Atalǧan sertifikat älemnıŋ 25 000 universitetıne tüsuge ǧana emes, jetekşı halyqaralyq kompaniialarǧa jūmysqa ornalasuǧa da mümkındık beredı.
M. S. Närıkbaev atyndaǧy KAZGIýU Joǧary gumanitarlyq mektebınıŋ direktory Anar İbraeva:
- Universitet üşın studentter men tyŋdauşylarǧa oqu prosesınde alǧan tıldık daǧdylary bolaşaq mansaby üşın paidaly boluy maŋyzdy. Cambridge Assessment English Official Exam Preparation Centre märtebesın alu zamanaui bılım berıp, joǧary sapaǧa nazar audaratynymyzdy däleldeidı.
M.S. Närıkbaev atyndaǧy KAZGIýU Universitetı otandyq joǧary oqu oryndary arasynda alǧaşqy bolyp Cambridge English emtihanyna daiyndaityn resmi ortalyq märtebesıne ie boldy.
Foto aşyq derekközden alyndy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz