Búgin «Aq jol» partııasy Alash kóshbasshylarynyń biri Mirjaqyp Dýlatulynyń týǵanyna 135 jyl tolýyna oraı «Oıan, qazaq!» atty onlaın konferenııa ótkizdi, dep habarlaıdy «Adyrna» partııanyń baspasóz qyzmetine silteme jasap.
Konferenııaǵa partııa tóraǵasy Azat Perýashev, “Alash” mádenıet jáne rýhanı jańǵyrý ınstıtýtynyń dırektory Sultan Han Aqquly, Májilis depýtaty Berik Dúısembınov, alashtanýshy ǵalymdar men qoǵam qaıratkerleri qatysty.
Konferenııada Memlekettik tarıh ınstıtýtynyń dırektory, professor Erkin Ábil, Sh.Ýálıhanov atyndaǵy tarıh jáne etnologııa ınstıtýtynyń dırektory, akademık Zııabek Qabyldınov, belgili ǵalym-alashtanýshylar Marat Absemetov, Ǵarıfolla Ánes, Dıhan Qamzabekuly, Erbol Tileshov, Amantaı Shárip, Almasbek Ábsadyqov, Saılaýbaı Erlan, Saǵymbaı Jumaǵul jáne basqa da alashtanýshylar baıandama jasap, kórnekti aǵartýshy, aqyn, jazýshy, qoǵam qaıratkeri ári jalyndy kósemsóz sheberi M.Dýlatovtyń qazaq ádebıetine qosqan úlesi men onyń týyndylary japon jáne túrik tiline aýdarylǵanyn tilge tıek etti.
Konferenııadaǵy qorytyndy sózinde A.Perýashev «”Alashtan” artyq ulttyq ıdeıa joq. Biz «Alash» saıası muralaryn Qazaqstandy jańǵyrtýdyń ulttyq ıdeıasy retinde qaraımyz jáne olardyń murattaryn memlekettik qurylysta, ekonomıka jáne qoǵamda tabandylyqpen jyljytatyn bolamyz. Alashorda qaıratkerleri málimdegendeı Qazaqstannyń 20-25 jyldyń ishinde óziniń qoǵamy men ekonomıkasyn jańǵyrtýǵa jáne álemde laıyqty ornyn alýǵa barlyq múmkindigi bar degenine senemiz»,-dedi.
«Adyrna» ulttyq portaly
