«Nūrly jer» baǧdarlamasynyŋ 50 %-y igerılmegen

Senator Andrei Lukin «Nūrly jer» qoljetımdı tūrǧyn üi salu memlekettık baǧdarlamasyn ıske asyru körsetkışterıne qatysty Ükımet basşysy Asqar Maminnıŋ atyna deputattyq saual joldady, dep habarlaidy «Adyrna» ūlttyq portaly QazAqparatqa sılteme jasap. Deputat «Nūrly jerge» bölıngen qarajattyŋ 50%-dan astamy igerılmegenıne nazar audaruyn sūrap, Ministrler kabinetınıŋ basşysyna saual joldady. A. Lukinnıŋ aituynşa, baǧdarlamaǧa 873,8 mlrd teŋge bölınse, onyŋ tek 476,8 mlrd teŋgesı ǧana jūmsalǧan. Al tūrǧyn üi alǧysy keletınderdıŋ sany kün sanap öse beredı. «Kezekte tūrǧandardyŋ eŋ köbı Nūr-Sūltan qalasynda tırkelgen, onda 45,2 myŋ adam, al Almaty oblysynda 43,3 myŋ adam kezekte tūr», - dedı Andrei Lukin Senattyŋ jalpy otyrysynda. Sonymen bırge, İndustriia jäne infraqūrylymdy damytu ministrlıgınıŋ mälımetı boiynşa 2017-2019 jyldar aralyǧynda elımızde «Nūrly jer» baǧdarlamasymen 32,5 mln şarşy metr tūrǧyn üi salyndy. Onyŋ paiymynşa, būl mölşer jetkılıksız, öitkenı kezekte tūrǧandardyŋ sany älı de köp. Tızımde negızınen äleumettık osal top azamattary, memlekettık qyzmetkerler, biudjet ūiymdarynyŋ qyzmetkerlerı jäne äskeriler bar. «Memlekettık baǧdarlamany ıske asyruǧa bölıngen biudjet qarjysyn igeru deŋgeiınıŋ tömendıgın, sondai-aq azamattardy tūrǧyn üimen qamtamasyz etudıŋ asyra baǧalanǧan körsetkışın eskere otyryp, bölıngen qarjynyŋ paidalanyluy, tapsyrylǧan tūrǧyn üidıŋ bölınuı men memlekettık baǧdarlamany ıske asyrudyŋ tūrǧyn üige mūqtaj azamattardyŋ sanyn azaituǧa naqty äserı turaly aqparat beruıŋızdı sūraimyn», - dedı Andrei Lukin. Bügıngı künı Qazaqstannyŋ tūrǧyn üi qorynyŋ audany 347,4 mln şarşy metrge, köp päterlı tūrǧyn üilerdıŋ sany 78 402-ge jettı. Foto aşyq derekközden alyndy