Joǧaryda atalǧan kelısımge 2019 jylǧy 20 jeltoqsanda qol qoiyldy. Qūjat Euraziialyq ekonomikalyq odaq turaly şart şeŋberınde EAEO-ǧa qatysuşy elderdıŋ yntymaqtastyǧyn tereŋdetudıŋ nätijesı bolyp tabylady. EAEO azamattaryn basqa müşe memleketterde eŋbek qyzmetın jüzege asyruy kezınde zeinetaqymen qamsyzdandyru mäselesın qūqyqtyq retteu jūmys küşınıŋ qozǧaluy jolyndaǧy qazırgı kedergını joiuǧa mümkındık beredı jäne eŋbek qyzmetın zaŋdastyruǧa qosymşa yntalandyru bolady.
Kelısım küşıne engennen keiın EAEO-ǧa müşe memleketterdıŋ azamattary eŋbek qyzmetın jüzege asyrǧan memlekettıŋ azamattary siiaqty zeinetaqymen qamsyzdandyryluǧa qūqyly bolady. EAEO-ǧa qatysuşy ärbır el eŋbek etuşıge onyŋ aumaǧynda jinaqtalǧan jūmys ötılı üşın zeinetaqy töleitın (eksporttaityn) bolady. EAEO-nyŋ basqa elınde tūratynyna qaramastan, eŋbek etuşıge zeinetaqyny ol eŋbek qyzmetın jüzege asyrǧan EAEO-ǧa müşe memleket töleitın bolady. Bıryŋǧai jinaqtauşy zeinetaqy qory Qazaqstanda kelısımdı ıske asyru boiynşa qūzyrettı organ bolyp belgılendı.
Zeinetaqy tölemderın taǧaiyndau boiynşa barlyq sūraqtar boiynşa QR jäne EAEO-ǧa müşe basqa memleketterdıŋ azamattary BJZQ-ǧa tıkelei jügınetın bolady. Kelısım boiynşa EAEO-nyŋ basqa memleketterınıŋ eŋbekşılerıne Qazaqstanda jinaqtauşy zeinetaqy jüiesınen zeinetaqy tölemderı jüzege asyrylatyn bolady, öitkenı olar QR-da tūraqty tūratyn azamattarmen jäne şeteldıktermen teŋ jaǧdaida ūlttyq zeinetaqy zaŋnamasynda belgılengen tärtıppen jäne şarttarda BJZQ-ǧa MZJ audarady.
«Adyrna» ūlttyq portaly
