(hett aŋyzy)
Bırde, *Arinna şaharyndaǧy hram qyzmetşısıne alabajaqtau kiıngen adam keledı. Moinynda – aǧaş būǧau, tas töbesınde – sebet pen jebeler. – Maǧan ne boldy? – dedı alaŋǧasarlau qonaq sūrauly jüzben. – Nege jarma kigızıp, basyma sebet qoiǧan? Üiden eşteme ūrlamaǧam em ǧoi! Siyrǧa da, būqaǧa da, qoiǧa da tiıskem joq! Arty jaqsylyqpen tynsa jarar edı! Elderdı oirandaimyn, oŋdyrmaimyn! Jebelerdı dūspan jüregıne qadaimyn. – Büitıp qorqytpa, bızdı! – dedı qūdıret. – Özenderdı de, taulardy da, mūhittardy da aşsa – alaqanynda, jūmsa – jūdyryǧynda ūstaityn kım ekenın bılmeuşı me eŋ? Ornynan oiyspas üşın taulardy şegelep qoiǧan myna – men. Teŋızder de teŋselıp, jaǧaǧa qaşyp, tübı jalaŋaştanbas üşın, olardy da qaqtym, qazyqşa. Qūdıret äŋgıme äserınen şyǧa almai tūrǧanynda beitanys basyna müiız bıtıp, tūla boiyn ala-qūla jün basyp, aiaq-qolyn tūiaq almastyruǧa ainaldy. Aŋyraiyp, auzyn aşyp, közın jūmǧan ärısı qatty üreilengen hram qyzmetşısı osy özgerıstıŋ kuäsı boldy. Eŋgezerdei būqa älgı jerden entelei şyqqanda ǧana qyzmetşı aiǧai saldy: – Qaraŋdar, qaraŋdar, ua, jarandar, būl – qauıptı ögız! Bıraq, müiızı nelıkten qaiyrylǧan eken, qalaiyq? Būqa būryla ǧap: – Öitkenı, joryqqa şyqqam. Aldymdy biık tau bögegen-dı. Ony da ornynan qozǧalttym. Teŋızdı de jeŋdım. Sodan, mıne iılıp qalǧany, – dep ökırdı. Būl turaly taqta tapjylmai otyrǧan äiel beinesındegı **Kün qūdaiy bılıp qoiady. Ol sonda söileidı, söilegende büi deidı: – ***Halpaǧa tartyŋdar. Jauyngerler şaiqasqa äzır tūrsyn dep aityŋdar. *Arinna – hetterdıŋ qasiettı qalasy, sol tılden tärjımalaǧanda qainar, bastau degen sözben mändes. **Būl – hett mifologiiasyndaǧy qūdailar patşasy – Teşubtyŋ (Tessob, Teşşub) jary – Arinniti. ***Halpa – Hett patşalyǧy kezındegı eŋ ejelgı kent.Audarǧan: Qazaqstan Jazuşylar odaǧynyŋ
müşesı, jazuşy-dramaturg,
ädebiettanuşy, synşy Älıbek BAIBOL.
Ertegı audarmaşynyŋ rūqsatymen jariialandy.
Avtorlyq qūqyq saqtalǧandyqtan köşırıp basuǧa bolmaidy!
