Därıgerler şekaradan ötu üşın jalǧan anyqtamalar satqan, dep habarlaidy «Adyrna» ūlttyq portaly Ūlttyq qauıpsızdık komitetınıŋ baspasöz qyzmetıne sılteme jasap.
QR ŪQK ŞQO boiynşa Departamentımen "J" jeke medisinalyq ortalyǧymen ūiymdastyrylǧan QR şekarasyn zaŋsyz ötuge qoldanylatyn jalǧan därıgerlık konsultasiialyq komissiia (DKK) qorytyndylaryn satu boiynşa qyzmetı toqtatyldy.
"Biyl 18 qyrküiekte jedel-ızdestıru şaralary kezınde jalǧan DKK qorytyndysyn baqylau satyp alu nätijesınde atalǧan medisinalyq ortalyq qyzmetkerlerınıŋ zaŋsyz äreketı rastaldy. Jedel-tergeu şaralardyŋ nätijesınde aldynda berılgen 200 juyq DKK qorytyndylary, därıgerlerdıŋ qoly men taŋbalary qoiylǧan toltyrylmaǧan blankıler, taŋbalar jäne kompiuterlık tehnika tabylyp, tärkılenıp alyndy", - delıngen habarlamada.Kuägerlerden jauap alu nätijesınde DKK qorytyndylarynyŋ tüpnūsqalary alynyp, säikes ekspertizaǧa joldandy. ŪQK mälımetınşe, medisinalyq ortalyqtyŋ direktor orynbasary men bas därıgerı 5 myŋ teŋge aqşalai syiaqy üşın jalǧan DKK qorytyndylaryn tūlǧalarǧa satyp otyrǧan. Sonymen qatar, şetel medisinalyq mekemesınen şaqyru qajet bolǧan jaǧdaida, qyzmet baǧasy 10 teŋgege baǧalandy.
«Adyrna» ūlttyq portaly
