Ortalyq sailau komissiiasy ötınışter qaraudy jaqsy jolǧa qoiǧan – sarapşy

QR Ortalyq sailau komissiiasy aldaǧy sailau nauqanyna qatysty ötınıştermen tiımdı jūmysty jolǧa qoiǧan. Mūndai pıkırdı Euraziialyq integrasiia institutynyŋ sarapşysy Qazybek Maigeldinov bıldırdı, dep habarlaidy “Adyrna” ūlttyq portaly QazAqparatqa sılteme jasap. «Sailaualdy nauqan qarqyn alyp kele jatyr. Būl rette halyqtyŋ azamattyq belsendılıgımen qatar, partiialardyŋ belsendılıgı de arta tüsude. Degenmen, qoǧam üşın özınıŋ saiasi mädenietın köteru maŋyzdy. Ol üşın ökılettı organdar keŋ būqara arasynda azamattyq, qūqyqtyq aǧartuşylyq üşın tüsındıru jūmystaryn sapaly ärı ret-retımen jürgızuı tiıs», - dedı sarapşy. Osy rette ol keşe Ortalyq sailau komissiiasy otyrysyn ötkızıp, özınıŋ ökılettıgıne qatysty tüsındırme bergenın aitady. Mäselen, sailau jariialanǧan kün – 21 qazannan bastap bügınge deiın Ortalyq sailau komissiiasyna 34 ötınış kelıp tüstı. Beseuı – jeke tūlǧalardan, 29 – zaŋdy tūlǧalardan, onyŋ ışınde 13 – BAQ-tan. Köterıletın mäselelerdıŋ sipaty boiynşa ötınışterdı bylaişa böluge bolady: 50 paiyzy, iaǧni 17 ötınış «Sailau turaly» Zaŋnyŋ normalaryn tüsındıru turaly, 17 paiyzy – sailau prosesın ūiymdastyru mäselelerı boiynşa aqparat beru, 12 paiyzy – sailau zaŋnamasyn jäne OSK qyzmetın jetıldıru jönındegı ūsynystar, 21 paiyzy – özge de mäseleler boiynşa. Körsetılgen kezeŋ ışınde kelıp tüsken 34 ötınıştıŋ ışınen OSK apparaty tarapynan 22-sıne belgılengen merzımde ötınış beruşılerge tolyq jauap berıldı. 4-euı Ortalyq sailau komissiiasynyŋ qūzyretıne kırmeitındıkten, zaŋda belgılengen tärtıppen memlekettık organdarǧa qaita joldandy. Qaita jasalǧan bır ötınış qarausyz qaldyryldy. BAQ-tyŋ ekı aqparattyq habarlamasy OSK saitynda ornalastyryldy. 5 ötınış qaraluda. Oryndalmaǧan ötınışter joq. «Der uaqytynda aqparattandyrudyŋ mūndai ürdısın halyqtyŋ, sonymen qatar saiasi partiialardyŋ tarapynan saual retınde qabyldap, tūraqty monitoring rejimın qoldana otyryp jalǧastyru qajet. Soŋynda aqparattyq qysym men qandai da bır jaǧdaidy qiys tüsındıruler oryn almaidy. Al ondai jaǧdailar sailau jaqyndaǧan saiyn az bolmaityndyǧy tüsınıktı», - dedı Qazybek Maigeldinov.