Qaımana qazaqtyń bári "Allajar" fılmin biledi. 1988 jyly túsirilgen fılm on jyldaı jabyq jatty. Fılm konservaııaǵa ushyrady. Máskeýden VGIK-ti bitirip kelgen talantty rejısser Qaldybaı Ábenovtyń jeltoqsan oqıǵasyn kórkem fılmge aınaldyrǵan kúreskerliginiń kúli kókke ushty dep jazady «Adyrna» ulttyq portaly tanymal jýrnalıst, jazýshy Roza MUQANOVANYŃ jazbazsyna silteme jasap.
On jyl boıy "Allajar" da talantty rejısser Qaldybaı da ne kórmedi, basynan ne ótpedi... Kókiregine at basyndaı sher baılanyp, jalǵyz qalǵan sáti bolatyn. Ol Ákim Tarazıdy "Qazaqfılmge" shaqyryp, "Allajardy" kórsetti. Sol kezde qańyrap qalǵan "Qazaqfılmniń" sup-sýyq zalynda "Allajar" fılmin kórdik. Bul 12.03.2002 jyl eken. Sol joly Ákim aǵalaryń kúndeligine bar oıyn sarqyp jazyp qoıypty. Bul pikirdi Qaldybaıǵa aýyzsha bálkim aıtty, bálkim aıtpady, esimde joq.
"Saǵat 15 te (Álimbektiń kóligimen) kınostýdııaǵa bardyq Jan-Júrek ekeýmiz. "Allajardy" kórdik. (Stýdentterim túgel keldi)
Ondaı fılmdi kórgen soń ONY talqylaý, pikir aıtý kúná bolar edi. Qaldybaıdy qushaqtap baýyryma qystym. Jan-Júrek "Rahmet!" dedi. Sonymen qaıttyq. Bul arada jattandy dramatýrgııanyń zańy júrmeıtin tárizdi.
Qaldybaıda naǵyz talantqa tán bir qasıet bar eken: jansa - ishten janý, biraq byqsymaı janý, kúıinse - ishten kúıiný, biraq kúıremeı kúıý, syrttan alǵan shyǵarmashylyǵyn óz ishinde ǵana qorytý, kúısemeı qorytý, qoqysyn ózgege jarııa etpeı, tasada ǵana tastap ketý. Maǵan búgin solaı kórindi ol bala.
Aıtpaqshy: ....."Allajardan" bezbojno urlap bezdarnyı, jaǵympaz, tigisin jatqyzǵan, jyp-jylmaǵaı fılm jasalypty ǵoı. "Allajar" 88 shi jyly túsirilgen, anaý 92-shi jyly túsirdi.
"Kókserekten" urlaǵany azdaı-aq. Endigi jazbalarda .....(esimi aıtylǵan) ony IEHÝ dep jazamyn..."
Kúndelikti oqyp otyryp, ADAMNYŃ paryzy AQIQATTY aıtý ekendigine kóz jetkizdim. Aqıqat bolmaǵan jerde adasý bar. Qoǵamnyń azyp-tozýy, adam sanasynyń kúıreýi ÓTIRIKTEN bastaý alady.
Foto ashyq derekkózden alyndy.
