Shymkentte toıhana esigin jaýyp, 300 adamǵa jıyn uıymdastyrǵandar anyqtaldy, – dep habarlaıdy «Adyrna» ulttyq portaly Polisia.kz-ke silteme jasap.
Karantın talaptaryn elemegender Abaı aýdany boıynsha júrgizilgen jedel profılaktıkalyq is-sharalardyń barysynda anyqtaldy. Máselen, Shymkent qalasy Jıdeli Baısyn kóshesiniń boıynda ornalasqan “Grand Sultan” toıhanasynyń úsh birdeı zalynda toı-jıyn uıymdastyrylǵany belgili boldy. Quramynda polıeıler men aýdandyq ákimdik ókilderi bar mobıldi top ókilderi kelgen de ǵımarattyń esigi jabyq turǵan. Alaıda bul kezde nysannyń úsh birdeı úlken zalynda dúbirli toı bolyp jatqan mýzykanyń daýysy shyǵyp turǵan edi. Quzyrly organ qyzmetkerleri aqyry toıhana esigin ashyp, qonaqtardy tarqatty. Al karantın talaptaryn óreskel buzǵan toıhana ıesinen túsinikteme alyndy.
Atalǵan jaıt boıynsha QR ÁQBtK-niń 425-babynyń 1-bóligimen shara kórý úshin Abaı aýdanynyń Taýarlar men kórsetiletin qyzmetterdiń sapasy men qaýipsizdigin baqylaý basqarmasyna is-qujattar joldandy.
«Adyrna» ulttyq portaly
