Şymkentte toihana esıgın jauyp, 300 adamǧa jiyn ūiymdastyrǧandar anyqtaldy, – dep habarlaidy «Adyrna» ūlttyq portaly Polisia.kz-ke sılteme jasap.
Karantin talaptaryn elemegender Abai audany boiynşa jürgızılgen jedel profilaktikalyq ıs-şaralardyŋ barysynda anyqtaldy. Mäselen, Şymkent qalasy Jidelı Baisyn köşesınıŋ boiynda ornalasqan “Grand Sūltan” toihanasynyŋ üş bırdei zalynda toi-jiyn ūiymdastyrylǧany belgılı boldy. Qūramynda poliseiler men audandyq äkımdık ökılderı bar mobildı top ökılderı kelgen de ǧimarattyŋ esıgı jabyq tūrǧan. Alaida būl kezde nysannyŋ üş bırdei ülken zalynda dübırlı toi bolyp jatqan muzykanyŋ dauysy şyǧyp tūrǧan edı. Qūzyrly organ qyzmetkerlerı aqyry toihana esıgın aşyp, qonaqtardy tarqatty. Al karantin talaptaryn öreskel būzǧan toihana iesınen tüsınıkteme alyndy.
Atalǧan jait boiynşa QR ÄQBtK-nıŋ 425-babynyŋ 1-bölıgımen şara köru üşın Abai audanynyŋ Tauarlar men körsetıletın qyzmetterdıŋ sapasy men qauıpsızdıgın baqylau basqarmasyna ıs-qūjattar joldandy.
«Adyrna» ūlttyq portaly
