Qazaqstanda ǧaryş salasy damu satysynda bolǧandyqtan, bılıktı mamandar jetıspei jatatyndyǧy zaŋdylyq. Osy olqylyqtyŋ ornyn toltyru üşın kadrlardy özge elderge daiarlyqqa jöneltıp otyrady.
Soŋǧy jyldary "Proton-M" siiaqty reseilık tasyǧyştyŋ jūmysy bızdıŋ mamandarmen tyǧyz bailanysta atqaryldy, 100-ge juyq qazaqstandyq tehnikalyq keşende jäne bastapqy keşende jūmys ıstedı. Olar tiıstı oqytudan, sertifikattaudan ötken. Baiqoŋyr ǧaryş ailaǧynyŋ oŋ qaptalynda "Zenit-M"keşenı ornalasqan. Ol qazırgı uaqytta Qazaqstanǧa tiesılı jäne "Bäiterek" bırlesken käsıpornynyŋ basqaruynda. Keşen qūramyna şamamen 243 obekt kıredı jäne onda 200-den az adam jūmys ısteidı. Bızdıŋ barlyq mamandarymyz Reseidıŋ Jerüstı ǧaryş infraqūrylymyn paidalanu ortalyǧynda daiyndyqtan ötıp, onda barlyq qajettı bılıktılıkterdı igerdı.
Baiqoŋyrdan tys basqa obektılerge keletın bolsaq, onda mamandar Ūlybritaniia men Fransiiadaǧy Airbus kompaniiasynyŋ şaqyruy boiynşa daiarlandy. Ondaǧy daiarlyqtan ötken jas mamandar Gilford pen Tuluzanyŋ ūqsas käsıporyndarynda jaqsy daiyndyqqa qol jetkızdı. Sondai-aq bızde KazSat sputnikterımen ainalysatyn Respublikalyq ǧaryştyq bailanys ortalyǧy siiaqty käsıporyn bar ekenı belgılı. Ondaǧy mamandar da bılıktı ärı jas. Menıŋ oiymşa, mäsele mamandardy jükteude, qyzmettıŋ jaŋa salalarynda tūr, al bızdıŋ äleuetımızge keletın bolsaq, būl qalypty jaǧdai.
Bır quantarlyq jaǧdai ol ǧaryş salasynda jürgen injenerlık kadrlar soŋǧy jyldary bäsekege qabılettı bolyp ösude. Olardyŋ sany bır jarym myŋǧa juyq bolsa da, olar jaqsy daiyndyqtan ötken mamandar.
Kez — kelgen elde kosmonavtika mamandary-ūlt elitasy deuge bolady.
Erke Jomart,
«Adyrna» ūlttyq portaly
