Qazırgı taŋda «Ǧaryş salasy» bızdıŋ elımız üşın strategiialyq jaǧynan maŋyzdy bolyp otyr. Osy saladaǧy otandastarymyzdyŋ jetken jetıstıkterı turaly sirek estimız deuge de bolady. Qazaqstannyŋ ǧaryş salasynyŋ azdy köptı jaŋalyqtary turaly aqparatty oqyrmandarǧa ūsynudy jön sanadyq.
Bızdıŋ elımızdıŋ ǧaryş salasy bırneşe keşenderden tūrady. Bırınşısı barlyǧymyz bıletın, elımızdıŋ maqtanyşyna ainalǧan "Baiqoŋyr" ǧaryş ailaǧy. Baiqoŋyr ǧaryş ailaǧynda keiıngı jyldary qūrylǧan jerüstı infraqūrylymy, bırqatar ǧylymi-zertteu instituttary, ekı sputniktık toptamasy bar. Kelesısı ekı jūmys ısteitın sputnikten tūratyn "KazSat" bailanys jüiesı. Soŋǧysynda jerdı qaşyqtyqtan zondtau jüiesı jūmys ısteidı, qazırgı uaqytta onda üş sputnik bar.
Ǧaryş salasyndaǧy taǧy bır basty oqiǧa, ol 2019 jyldyŋ soŋynda
Nūr – Sūltan qalasynyŋ maŋyndaǧy ǧaryş apparattaryn qūrastyru - synau keşenın ıske qosu boldy. Qūrastyru - synau keşenı - būl daiyndyq jūmystary, synaqtar jürgızıletın käsıporyn bolyp tabylad Ol jerde ǧaryş tehnikasynyŋ bırqatar komponentterı jasalyp, qūrastyrylady.
Būl negızınen adamdy özıne tartyp, qyzyqtyratyn joba. Būl jobanyŋ maŋyzdylyǧy keide öz deŋgeiınde baǧalanbai jatady. Atalǧan keşen arqyly Qazaqstannyŋ ǧaryş tehnikasyn jasau jönındegı jetekşı älemdık kompaniialardyŋ öndırıstık tızbegıne qosylu mümkındıgı bar.
Qūrastyru - synau keşenınde komponentter men ǧaryş apparattarynyŋ özderı synalatyn erekşe stendterdı, kameralardy, stapelderdı köruge bolady. Aita keterlık jait, atalǧan keşen äigılı europalyq Airbus kompaniiasymen yntymaqtasa otyryp qūrylǧan jäne onyŋ jüktemesı de Airbus kompaniiasynyŋ tapsyrystarymen bailanysty bolady.
Ǧaryştyq tehnikanyŋ erekşelıgı – onyŋ kölemı az bolǧanmen ony synaqtan ötkızıp, jūmys ısteitın jaǧdaiǧa jetkızu üşın qyruar jūmys pen mol uaqyt jūmsalady. Sondyqtan da kez kelgen eldıŋ ǧaryş salasynyŋ negızı, özınıŋ ūlttyq synaq jäne stendtık bazasynyŋ boluynda.
Erke Jomart,
«Adyrna» ūlttyq portaly
