2020 jyldyŋ ötken 10 aiynda Tötenşe jaǧdailar ministrlıgıne qarasty qūtqaru, jedel järdem körsetu ūiymdarymen de qyruar şarualar atqarylyp, bırşama adam ömırı qūtqarylǧan eken. Būl turaly «Adyrna» ūlttyq portaly Tötenşe jaǧdailar ministrlıgınıŋ baspasöz qyzmetıne sılteme jasai otyryp habaralaidy.
Mysaly, «Apattar medisinasy ortalyǧy» memlekettık mekemesı tarapynan 3 144 zardap şekkenge medisinalyq kömek körsetılse, 2 331 adam qūtqarylyp, 1 139 adam evakuasiialanǧan.
Atalǧan mekeme qyzmetkerlerı 3 536 ret şaqyrtularǧa barǧan, onyŋ ışınde trassalyq medisinalyq-qūtqaru punktterı 896 şaqyrtuǧa baryp, 900 adamdy evakuasiialaǧan, Zardap şekken 1 708 janǧa medisinalyq kömek körsetıldı.
Al, «Qazaviaqūtqaru» Aksionerlık qoǧamynyŋ qaramaǧyndaǧy qūtqaruşylar bolsa, äue kemelerı ızdeu-qūtqaru jūmystaryna, örtterdı söndıruge qatysu, jeke qūramdy jetkızuge jäne basqa tapsyrystar boiynşa
1 461 ūşu saǧatyn jasaǧan, onyŋ ışınde sanitariialyq aviasiia baǧyty boiynşa
442 ret ūşu jürgızılse, 432 adam tasymaldanǧan.
«Ört söndıruşı» Aksionerlık qoǧamy 25 adamdy qūtqarǧan jäne evakuasiialaǧan, 551 ret şaqyrtuǧa barǧan, sonyŋ ışınde 156 ört söndıruge at salyssa, 36 märte avariialyq-qūtqaru jūmystaryn jürgızgen. Al,
359 jaǧdaida janudy joiǧan.
Tötenşe jaǧdai kezınde qūtqaruşylyq jūmystarynan basqa, sol tötenşe jaǧdaidyŋ aldyn – alu şaralaryna da, oqys oqiǧalar bolmas üşın tekseru jürgızuge de, eskertu jūmystaryn atqaruǧa da tötenşelıkter uaqyt pen küş tabady.
Baqylau-profilaktikalyq qyzmet şeŋberınde nysandardyŋ örtke qarsy jai-küiıne 17 552 tekserıs jürgızılse, 56 129 būzuşylyq anyqtalǧan, 10 915 adam äkımşılık jauapkerşılıkke tartylǧan, sonyŋ ışınde 2 144 lauazymdy tūlǧaǧa 92,1 mln. teŋge somasynda aiyppūl salynǧan.
Önerkäsıptık qauıpsızdık salasyndaǧy memlekettık qadaǧalaudy jüzege asyru şeŋberınde 2020 jyldyŋ on aiynda erekşe tärtıp boiynşa 761 jäne jospardan tys 440 tekseru jürgızılgen. Tekseru qorytyndysy boiynşa 21 951 būzuşylyq anyqtalyp, 234 obektı jäne 1 subektı toqtatyldy, 100 mln. teŋgeden astam somaǧa 852 äkımşılık aiyppūl salynǧan.
Memleket basşysynyŋ bizneske qysymdy tömendetu boiynşa tapsyrmasyn ıske asyru maqsatynda ört qauıpsızdıgı salasynda baqylau tek joǧary täuekel därejesındegı obektılerge qatysty engızılgendıgın jäne erekşe tärtıpte ötkızıletındıgın eskersek, būl körsetkışter äldeqaida köp boluy mümkın.
Degenmen, tekserıs üşın emes, tötenşelıkter üşın emes, özımız üşın qauıpsızdık şaralaryn qataŋ ūstanǧanymyz abzal.
Erke Jomart,
«Adyrna» ūlttyq portaly
