Aŋ jäne balyq aulau mausymy bastalǧannan berı (2020 jylǧy 1 qazan-22 qaraşa) eldıŋ su aidyndarynda 12 adam, onyŋ ışınde 1 bala qaza tapty. Būl turaly Qazaqstan Respublikasy Tötenşe jaǧdai ministrlıgınıŋ resmi ökılı Talǧat Uäli habarlady.
Tötenşe jaǧdailar ministrlıgınıŋ aumaqtyq bölımşelerı su aidyndarda adamdardyŋ (balyqşylardyŋ) qaza boluynyŋ aldyn alu boiynşa reidtık profilaktikalyq ıs-şaralar ötkızedı. Reid barysynda balyq aulau kezındegı qauıpsızdık şaralaryn saqtau turaly aqparattyq jadynamalar taratyldy.
Balyq aulau kezındegı erejelerdıŋ saqtalmauynan 11 adam qaza tapty jäne eresek adamdardyŋ qarauynsyz qalǧan 1 bala abaisyzda suǧa qūlap mert boldy.
2020 jyly Aqmola, Almaty, Qostanai, Qyzylorda, Maŋǧystau, Türkıstan oblystarynyŋ su aidyndarynda qaza bolǧandar tırkeldı.
Mysaly, ötken küz-qys mausymynda (2019 jylǧy 1 qazannan bastap 2020 jylǧy 1 nauryzǧa deiın) elımızdıŋ su aidyndarynda balyq aulau kezınde qauıpsızdık erejelerın būzu saldarynan, sondai-aq mūz ötkelderı arqyly ötu kezınde 37 adam (onyŋ ışınde 10 bala) qaza boldy.
Adamdardyŋ qaza boluynyŋ negızgı sebepterıne toqtalsaq, 19 adam balyq aulau kezınde jaǧalaudan nemese jüzu qūraldarynan abaisyzda suǧa qūlap qaza bolǧan, 7 adam balyq aulap jürıp mūz astyna tüsıp ketıp ajal qūşqan, 8 bala oinap jürıp mūz astyna qūlap, qaza bolsa 2 bala suǧa qūlap köz jūmǧan, 1 adam mūz ötkelderınen ötu kezınde qūlap qaza tapqan.
Öŋırler boiynşa alyp qarasaq, qaza bolǧandar Aqmola, Atyrau, Almaty, Aqtöbe, Şyǧys-Qazaqstan, Jambyl, Batys-Qazaqstan, Qostanai, Qaraǧandy, Soltüstık Qazaqstan oblystarynyŋ jäne Almaty qalasynyŋ su aidyndarynda tırkelgen.
Osyndai qaiǧyly oqiǧalar bolmas üşın tūrǧyndardy su aidyndarynda, qys mezgılınde eŋ aldymen qauıpsızdık şaralaryn qataŋ saqtauǧa şaqyramyz. Bırınşıden qaraŋǧy kezde jäne ainala naşar körınetın tūmandy aua raiynda mūz üstıne şyqpaǧan jön, ekınşıden jūqa jäne qatty qatpaǧan mūzǧa şyǧuǧa bolmaidy, üşınşıden mūzdyŋ belgılı bır jekelegen aumaqtarynda top bolyp jinaluǧa bolmaidy, törtınşıden mūz üstındegı şūŋqyrlarǧa, jaryqtarǧa, oiyqtarǧa jaqyndauǧa bolmaidy, avtokölıkpen ötkelı joq jerlermen jüruge bolmaidy. Osyndai ärbıreuımızdıŋ qolymyzdan keletın qarapaiym ǧana saqtyq şaralaryna baǧynu arqyly, öz ömırımızdı qauıpten, qaiǧyly oqiǧadan qūtqaramyz.
Sudaǧy nemese mūzdaǧy oqiǧalar köbınese adamnyŋ öz-özıne senu, öz küşterı men mümkındıkterın qaita baǧalau, sudaǧy (mūzdaǧy) qarapaiym erejelerdı elemeu saldarynan oryn alyp jatady eken.
Erke Jomart,
«Adyrna» ūlttyq portaly
