Resei ükımetı Qazaqstannan, Belorussiiadan, Moldovadan nemese Ukrainadan köşıp kelgender üşın azamattyq alu räsımın aitarlyqtai jeŋıldetudı josparlap otyr.Azamattyq aludy barynşa jeŋıldetken körşımızge endıgı jerde öz qandastarymyz üdere köşıp ketpei me degen qauıp te joq emes. Osy mäselege bailanysty StanRadar.com tılşısı qazaqstandyq saiasattanuşy Daniiar Äşımbaevpen sūhbattasypty dep habarlaidy «Adyrna» ūlttyq portaly.
Memlekettık Dumanyŋ qarauyna engızılgen jaŋa zaŋ jobasynda azamattyq alu üşın Reseide bes jyl bolu turaly talapty alyp tastau ūsynylady. Sonymen qatar, mūqabada ekı basy bar bürkıtı bar pasportqa ümıtkerler özderınıŋ qarjylyq jaǧdaiyn däleldeudıŋ qajetı joq jäne joǧaryda atalǧan elderdıŋ bırınıŋ azamatynyŋ pasportynan bas tartudyŋ qajetı joq.
Būl özgerıster orys tıldı azamattardyŋ Qazaqstannan odan da köp ketuıne äkelıp soqtyrmai ma jäne olar Nūr-sūltan men Mäskeu arasyndaǧy qarym-qatynasty būzbai ma degen tılşınıŋ sūraǧyna saiasattanuşy: «Jappai köşı-qon kezeŋı baiaǧyda aiaqtalǧan. Kım ketkısı kelse, ol 90-şy jyldary ketıp qaldy. Qazaqstanda tūratyn orta jastaǧy ökılder būl jerge jaqsy beiımdelgen. Al özın memlekettık qyzmette de, ırı bizneste de körmeitın jastar, onyŋ ışınde etnostyq qatystylyǧyna bailanysty adamdar basqa elderge ketuı mümkın»,-dep jauap bergen.
Sonymen qatar saiasattanuşynyŋ paiymynşa Qazaqstanda injenerlık nemese jaratylystanu-ǧylym salasynda bılım aludyŋ qiyndai tüsuı de jastardyŋ jappai şetelge bılım ızdep ketuıne türtkı eken. Bılım reitingı boiynşa tömengı orynǧa jaiǧasqan elımızde bılımsız qalu qaupı de basym ekenın alǧa tartqan Äşımbaev Reseige qarai jastardyŋ bılım aluǧa aǧylatynyn zaŋdy qūbylys sanaidy. Al oquǧa ketkender sol elde qalyp ketuı bek mümkın.
«Jastardyŋ elden ketuınıŋ bır sebebı bılım salasyndaǧy reformalardan jäne äleumettık mäselelerge tıkelei bailanysty. Osydan keiın, ärine Reseige ketkender elge qaitqysy kelmeidı. Būl Reseidıŋ emes, Qazaqstannyŋ kınäsı. Soǧan qaramastan migrasiia mäselesı bızde jaman emes. Desek te, Qazaqstanǧa eşkım jetıskennen kelmeidı. Elımızde negızınen etnikalyq migrasiia basym. Al būl adamdar köbınese orta bılımdı adamdar. Osydan keiın tepe-teŋdık būzylady, bolaşaǧy bar, bılımdı jastarymyz ketude, bılımsız, täjıribesız, memleket esebınen özınıŋ materialdyq mäselesın şeşudı közdegen etnikalyq migranttar köptep kelude. Rasyn aitsaq, Qazaqstan ömır süruge asa qolaily emes elge ainalyp barady»,-deidı saiasattanuşy öz sūhbatynda.
Orys tılınen audaryp,
daiyndaǧan Rauana DİMAŞQYZY.
Foto aşyq derekközden alyndy.
