Zaŋ jobasyn äzırleudıŋ negızgı maqsaty notariat turaly zaŋnamany, sonymen qatar jeke jäne zaŋdy tūlǧalardyŋ qūqyqtary men zaŋdy müddelerın qorǧaudyŋ qūqyqtyq jüiesın jetıldıru bolyp tabylady. Tüzetulerdıŋ bırınşı blogy – notariat jūmysyndaǧy sifrlyq tehnologiialarǧa arnalǧan. Notariattyq qyzmettı odan ärı sifrlandyru notariattyq ıs-äreketterdı jasaudy jedeldetedı, onyŋ aşyqtyǧyn jäne zaŋdylyǧyn qamtamasyz etuge mümkındık beredı, notariattyq qūjattardy räsımdeudı jeŋıldetedı. Būl üşın elektrondyq notariattyŋ jekelegen erekşelıkterın zaŋnamalyq retteu qajet. Zaŋ jobasynda Bıryŋǧai notariattyq aqparattyq jüienıŋ (BNAJ) jūmysyn retteitın normalar bekıtıledı. Ūsynylyp otyrǧan notariattyq qūjattardy saqtaudyŋ, esepke aludyŋ jäne elektrondyq mūraǧattyŋ ortalyqtandyrylǧan elektrondyq jüiesın qūru - būl notariattyq qyzmetterdıŋ tiımdılıgın arttyruǧa mümkındık beredı. Notariustarǧa jazbaşa mämılelerdı elektrondyq nysanda jasau qūqyǧy berıledı. Būl rette taraptar men notariustyŋ qol qoiuy elektrondyq sifrlyq qoltaŋbanyŋ kömegımen nemese sifrlyq qoltaŋbaǧa arnalǧan grafikalyq planşettıŋ kömegımen jüzege asyrylatyn bolady. Sonymen qatar, notariattyq qyzmet turaly qajettı aqparatty internet – resursta ornalastyru mäselelerı zaŋnamalyq deŋgeide retteledı. Ekınşıden, zaŋ jobasyna notariattyq qūpiia ūǧymy engızıldı. Notariattyq qūpiia notariattyq qyzmettıŋ negızgı prinsipterınıŋ bırı jäne kepılı bolyp tabylady. «Notariat turaly» Zaŋda notariattyq ıs-äreketter jasau qūpiiasyn qūraityn mälımetter qūramyn bekıtu, osy mälımetterdı qorǧau jönındegı qūqyqtyq, ūiymdastyruşylyq jäne tehnikalyq şaralar azamattyŋ da, jeke jäne zaŋdy tūlǧalardyŋ azamattyq qūqyqtaryn qamtamasyz etuge baǧyttalǧan institut retınde notariattyŋ da aqparattyq qauıpsızdıgın qamtamasyz etuge mümkındık beredı. Tüzetulerdıŋ üşınşı blogy – aumaqtarda jäne respublika deŋgeiınde de notariattyŋ basqaru organdaryn reglamentteuge qatysty. Törtınşı. Tärtıptık ıs jürgızudı obektivtı jäne jan-jaqty qarau maqsatynda şaǧymdardy respublikalyq deŋgeide qaraityn Respublikalyq notariattyq palatanyŋ tärtıptık komissiiasyn qūru zaŋnamalyq tūrǧyda bekıtıledı. Besınşı. Zaŋ jobasynda elektrondyq qūjattyŋ qaǧaz jetkızgıştegı qūjatpen teŋ mändılıgın kuälandyru jäne qaǧaz türındegı qūjattyŋ elektrondyq qūjatpen teŋ mändılıgın kuälandyru siiaqty ekı jaŋa notariattyq ıs-äreket engızıledı. Qazırgı uaqytta azamattar qūjattardy bır qaladan ekınşı qalaǧa berıp jıberuge bailanysty qiyndyqtarǧa kezdesedı. Qaǧaz türındegı notarialdyq qūjattardy /senımhat, kelısım siiaqty/ elektrondy türge auystyru osy mäselenı tez şeşuge mümkındık beredı. Būl, mysaly sız basqa aimaqta kelısım şart jasau kezınde jūbaiyŋyzdyŋ kelısımın tez arada räsımdep, jıberu kerek bolǧan kezde öte yŋǧaily bolady.
Zaŋ jobasyn qabyldau azamattardyŋ qūqyqtary men zaŋdy müddelerın qorǧaudy küşeituge jäne notariat institutyn jetıldıruge yqpal etedı dep ümıttenemız.
Balaiym Kenesbaeva
