Avstralııalyq zertteýshi Sheın Satterlı 1945 jyly Bermýd úshtaǵanynda bes ushaqtyń joǵalyp ketýiniń taǵy bir sebebin aıtty, dep habarlaıdy “Adyrna” ulttyq portaly 9 News-ke silteme jasap.
Oqıǵa 1945 jyly 5 jeltoqsanda, leıtenant Charlz Teılordyń basshylyǵymen "19 Reıs" dep atalatyn AQSh Áskerı-teńiz kúshteriniń bes torpedoshysy oqý tapsyrmasyna attanyp, Bermýd úshtaǵanynyń aımaǵynda ushyp, keıin radar ekranynan joǵalyp ketken.
Satterlıdiń aıtýynsha, qaıǵyly jaǵdaıǵa osy aımaqtaǵy tylsym qubylystar emes, ekıpajdyń durys emes áreketteri sebep bolǵan. Qarańǵy túsip, aýa raıynyń ózgergen sońTeılor qurylǵylar boıynsha emes, terezedegi kóriniske qarap áreket jasaǵan.
«Teılor ushý kezinde birneshe ret adasqan. Tynyq muhıtynda eki ret ony qutqarýǵa týra kelgen», - deıdi ǵalym.
Ǵalym ekıpaj músheleriniń kópshiligi mashyqtanýshylar bolǵanyn jáne kúrdeli jaǵdaılarda burandaly qanatty mashınalardy qalaı basqarýdy bilmeıtinin aıtty.
Satterlı AQSh áskerı kúshteri qaıǵyly jaǵdaıdyń sebebin biletinin, biraq Teılordyń anasy ushaq tabylǵanǵa deıin onyń balasyn bolǵan oqıǵaǵa eshkim kinálaı almaıtynyn aıtty. Osyǵan baılanysty áskerı adamdar esepte "sebebin belgisiz" dep kórsetýge májbúr bolǵan.
Foto ashyq derekkózden alyndy
“Adyrna” ulttyq portaly
