Energetika ministrı Nūrlan Noǧaev pen Aqtöbe oblysynyŋ äkımı Oŋdasyn Orazalin öŋırdegı mūnai-gaz salasynyŋ bırqatar nysandaryn aralady.
Delegasiia «Gas Processing Company» JŞS-nyŋ «Qojasai» gaz öŋdeu zauytynyŋ jūmysymen tanysyp, Jaŋajol gaz öŋdeu zauytynda jäne «SNPS – Aqtöbemūnaigaz» AQ-nyŋ gazturbinaly elektr stansiiasynda boldy.
Sapar qorytyndysy boiynşa mūnai-gaz salasy, käsıpkerler, Energetika ministrlıgı men Aqtöbe oblysy äkımdıgı ökılderınıŋ qatysuymen kezdesu öttı.
- Oblys äkımı Energetika ministrlıgınıŋ aldyna ken oryndaryna jaqyn ornalasqan eldı mekenderdı gazben jabdyqtauǧa järdemdesu, sondai-aq olardyŋ tūrǧyndaryn jūmyspen qamtamasyz etu mäselesın qoiyp otyr. Bız jer qoinauyn paidalanuşylarmen osy mäselelerdı pysyqtap, olardyŋ äleumettık jauapkerşılıgı aiasynda qoldau körsetemız. Sondai-aq jer qoinauyn ūtymdy paidalanu jäne qorşaǧan ortaǧa äserdı azaitu öte maŋyzdy. Jer qoinauyn paidalanuşynyŋ kelısımşarttyq merzımı aiaqtalǧanymen, ken orny men oǧan ırgeles jerdı paidalanu merzımı aiaqtalmaidy, bızdıŋ ortaq mındetımız – ken oryndarynyŋ qyzmet etu merzımın ūlǧaitu, būl tek ūqypty paidalanu kezınde ǧana mümkın bolady. Būl mäsele ministrlıktıŋ tūraqty baqylauynda, - dedı Nūrlan Noǧaev.
Äŋgımelesu barysynda bırqatar käsıpkerler özderınıŋ közqarasy boiynşa jekelegen jer qoinauyn paidalanuşylardyŋ satyp alularynyŋ aşyqtyǧyna alaŋdauşylyq bıldırdı, sondai-aq uäkılettı organdardan mūnai-gaz salasyndaǧy satyp alulardaǧy jergılıktı qamtudy ūlǧaitu jönındegı jūmysty küşeitudı sūrady. Noǧaevtyŋ aituynşa, qazırgı uaqytta Qazaqstanda Chevron komapniiasy 248,5 million AQŞ dollaryn böludı josparlap otyrǧan Jergılıktı qamtudy damytu qory qūryluda. Osy qordan investisiialar tehnologiialar men IT-ge, bazalyq tauarlar öndırısıne, mūnai-gaz sektory jabdyqtarynyŋ jekelegen türlerın jinaqtauǧa jäne qorşaǧan ortany qorǧauǧa salynatyn bolady. Būdan basqa, elımızde mūnai-gaz maşinasyn jasau men servistı damytudyŋ halyqaralyq ortalyǧy qūrylatyn bolady, onyŋ maqsaty QR-dyŋ Mūnai-gaz salasyna arnalǧan tauarlar men körsetıletın qyzmetter öndırısın oqşaulau bolyp tabylady.
- Öz kezegınde jer qoinauyn paidalanuşylar da öz mındettemelerıne, jergılıktı qamtudy damytuǧa jauapkerşılıkpen qarauy tiıs. Käsıpkerlerdıŋ şaǧymdary negızdı dep sanaimyn. Mūnai-gaz salasynda tapsyrystardy oryndaityn şartty otandyq firmalardyŋ tüpkılıktı benefisiary şeteldık kompaniialar nemese jeke tūlǧalar bolyp tabylatyn jaǧdailar kezdesıp jatady. Ärtürlı amal-aila qoldanudyŋ qajetı joq. Qazaqstanǧa jūmys ısteuge kelgen investorlar jergılıktı qamtudy damytu, qazaqstandyqtardy jūmysqa ornalastyru boiynşa mındettemelerdı özıne alady, olardy oryndau qajet, - dep atap öttı Nūrlan Noǧaev. Jasandy kedergıler qoiu jäne belgılı bır kompaniialar üşın arnaiy jaǧdailar jasau qolaisyz. Bızge ūsynys engızıŋızder, bız olardy barlyq qajettı memlekettık organdar men qoǧamdyq ūiymdardy tarta otyryp qarastyratyn bolamyz. Bız öz qūzyretımızdıŋ şeŋberınde ırı mūnai-gaz operatorlarynyŋ jyldyq satyp alu josparlaryn jariialauyna qol jetkızdık. Būl jūmystardyŋ barlyǧy el basşylyǧy men Ükımettıŋ tapsyrmalaryn oryndau aiasynda jürgızıledı. Men barlyq kompaniianyŋ basşylaryn būǧan tolyq jauapkerşılıkpen qarauǧa şaqyramyn.
Energetika ministrı jer qoinauyn paidalanuşylardyŋ tauarlary men körsetıletın qyzmetterın satyp alu kezınde tolyq aşyqtyqty qamtamasyz etudı tapsyrdy.
Keŋestı qorytyndylai kele, Aqtöbe oblysynyŋ äkımı Oŋdasyn Orazalin köterılgen mäselelerdıŋ barlyǧy öŋırdıŋ äleumettık-ekonomikalyq damuy üşın maŋyzdy ekenın atap öttı.
- Bız ärqaşan otandyq jäne şeteldık investorlardy qoldaimyz, būl öŋırde jaŋa jūmys oryndaryn aşuǧa, salyq bazasyn ūlǧaituǧa mümkındık beredı. Būl – Memleket basşysynyŋ tıkelei tapsyrmasy. Bıraq būl rette investorlar özderınıŋ jauapkerşılıgın sezınıp, jergılıktı halyq üşın äleumettık mäselelerdı şeşuge kömektesuı tiıs. Bız jyl saiyn jer qoinauyn paidalanuşylarmen äleumettık mındettemeler turaly memorandumdar jasasamyz, osynyŋ arqasynda bükıl älem üşın biylǧy jyldyŋ öte kürdelı bolǧanyna qaramastan, mūnai-gaz sektoryndaǧy jūmys oryndarynyŋ qysqaruyna jol bermei, jalaqyny ūlǧaituǧa qol jetkızdık. Qiyndyqtar mezgıl-mezgıl tuyndaidy, bız ony jasyrmaimyz. Äleumettık aspektılerdı eskerıp, öndırıstık qyzmet saldarynan tuyndaityn problemalar üşın jüielı şeşımder tabu kerek, - dedı Oŋdasyn Orazalin.
