8 jeltoqsanda Erevanda premer-ministr Nikol Paşiniannyŋ otstavkasyn talap etken oppozisiia jaqtastary köşelerdı jauyp, jol qozǧalysyn toqtatty. Olar premer-ministrdı qyzmetınen ketıru üşın "azamattyq baǧynbau" kampaniiasyn bastaǧanyn habarlaidy «Adyrna» ūlttyq portaly Azattyqqa sılteme jasap.
Ötken aidyŋ basynda Armeniia Tauly Qarabaqtaǧy qaqtyǧysqa bailanysty Äzerbaijanmen kelısım jasasyp, Tauly Qarabaqtaǧy 7 audandy qaitarǧan. Kelısım şartqa narazylar sodan berı Paşinian otstavkasyn talap etıp keledı. Bırneşe kün būryn 16 oppozisiialyq partiia Paşinianǧa 8 jeltoqsan kündızgı saǧat 12-ge deiın qyzmetınen ketuge uaqyt bergen edı. Premer-ministr talapty oryndamaǧan soŋ oppozisiia narazylyǧy küşeigen.
Seisenbı künı “Nikol, satqyn”, “Nikolsyz Armeniia” dep aiqailaǧan demonstranttar Erevan köşelerı men metro joldaryn japty. Polisiia narazylardy ūstady. Narazylyq Armeniianyŋ Giumri, Vanadzor sekıldı taǧy da basqa qalalarynda da ötken.
"Nikol Paşinian otstavkaǧa ketpedı. Sondyqtan Armeniia azamattarynyŋ beibıt türde azamattyq moiynsūnbau kampaniiasyn ötkızıp, talap qoiuǧa qūqyqtary bar" dedı 16 partiiadan qūralatyn "Otandy qūtqaru maidany" qozǧalysynyŋ müşesı İşhan Sagatelian.
Ol qauıpsızdık küşterın Paşinian būiryqtaryn oryndamauǧa jäne halyqqa qarsy küş qoldanbauǧa şaqyrǧan.
Foto aşyq derekközden alyndy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz