Jeltoqsannyŋ 9 künı Qazaqstan Prezidentı Qasym-Jomart Toqaevtyŋ töraǧalyǧymen ötken Reformalar jönındegı joǧary keŋestıŋ kezektı otyrysynda memlekettık josparlau jüiesın qaita qūru ädısterı, makroekonomikalyq saiasat, äleumettık salany damytu, ekonomikany ärtaraptandyru jäne biznestı retteu, sot jäne qūqyq qorǧau jüielerın reformalau, memlekettık basqaru jäne memlekettık qyzmet körsetu jönınde söz qozǧaldy. Ol turaly konsultativtık komitetterdıŋ jetekşılerı baiandama jasady dep habarlaidy Akorda.kz.
Atalǧan keŋeste Prezident sifrlandyrudy jedeldetıp, qūjattar men memlekettık baǧdarlamalardyŋ barlyq ierarhiiasyn taldauǧa tapsyrma berdı. Sondai-aq, ırı reformalarǧa, atap aitqanda, äleumettık kodekstıŋ damuyna, «Sifrlyq Qazaqstan», «QHA-2025» jobalaryna erekşe nazar audarudy tapsyrdy.
-Täuelsızdık jyldarynda köptegen baǧdarlama jasaldy. Onyŋ bırazy küşın joidy, jaŋa baǧdarlamalar men qūjattar paida boluda. Olardyŋ bärın satyly türde jüielep, qajet emesterınen arylu kerek. Josparlaudyŋ atqaruşylarǧa jäne halyqqa meilınşe tüsınıktı ärı aşyq jüiesın jasaǧan jön,-dep atap öttı Prezident.
Prezident sot jäne qūqyq qorǧau jüielerın reformalau mäselesıne de nazar audardy. Onyŋ pıkırınşe, sot jäne qūqyq qorǧau qyzmetıne ozyq IT-tehnologiiany engızu jäne sifrlandyru jūmystaryn jalǧastyru kerek.
- Bızge jüielı, sonyŋ ışınde, kadrlyq sipattaǧy şaralar qabyldau kerek. Joǧarǧy Sottyŋ sudiasy nemese oblystyq sottardyŋ töraǧasy bolsyn sudia lauazymyna taǧaiyndaǧan kezde, eŋ aldymen, sudialar korpusynyŋ özınde ülken mäsele tuyndaidy. Olar bır-bırın käsıbi bılıksız, jeke jäne basqa da bailanystaryn paidalanady dep kınälaidy. Osy tiımsız tendensiialardy bırjola joiu qajet, – dedı Memleket basşysy.
Prezident memlekettık basqarudyŋ barlyq jüiesı şynymen de «klientke baǧdarlanǧan» boluy kerek dep atap körsettı. Al basty klient – būl Qazaqstan azamattary.
Jiyn qorytyndysy boiynşa Qazaqstan Prezidentı janyndaǧy Reformalar jönındegı joǧary keŋestıŋ 2021 jylǧa arnalǧan jūmys jospary jäne konsultativtık komitetterdıŋ qūramy bekıtıldı.
D. Arǧyngeldı,
Akorda.kz kömegımen daiyndaldy
