Qazaq qyzy Qytaidaǧy halyqaralyq törelık sottyŋ sudiasy bolyp taǧaiyndaldy, dep habarlaidy «Adyrna» tılşısı «Habar 24»-ke sılteme jasap.
Otandasymyz Gülnūrdyŋ Qytai astanasynda jūmys ıstep jatqanyna 10 jyldai boldy. 3 jyl būryn ol osynda kompaniiasyn aşqan. Qazır TMD elderımen ärıptestık ornatqysy keletın jergılıktı biznesmenderge aqyl-keŋes beredı. Törelık sot sudiasy bolyp taǧaiyndalu Gülnūr üşın tosyn jaŋalyq boldy. Ol būl şeşımdı «Bır belbeu – bır jol» strategiiasyn ıske asyru aiasynda sūranystyŋ artuymen bailanystyrady.
«Törelık turaly zaŋ boiynşa tek Qytai azamattary ǧana törelık soty bola alady. Bıraq törelık ısı şetelmen bailanysty bolǧanda rūqsat etıledı. Osy tūrǧyda Halyqaralyq sauda palatasy şeteldık arbitrlardy ūsynady. Bır tarap Ortalyq Aziia nemese TMD elderınen bolǧanda, osy elderge qatysy bar arbitrdy taŋdau qolaily bolady»,-deidı ol.Gülnūr qazaq elınde memlekettık qyzmette, advokattar alqasynda jäne kvazimemlekettık sektorda jūmys ıstegen. Qazaqstannyŋ tūŋǧyş Salyq kodeksın jasauǧa qatysqan. Keiın ol Beijıŋ universitetınde qytai qūqyǧyn igergen. Bıraq joǧary oqu ornyn bıtırgen soŋ jūmys taba almai bıraz jürıp qalǧanyn jasyrmaidy. Zaŋ boiynşa Qytai qūqyǧymen tek osy eldıŋ azamattary ainalysuy tiıs. Gülnūr jas otandastaryna osyǧan nazar audaru qajettıgın eskertkısı keledı.
«Eŋ maŋyzdysy, qytailyq serıktestı äbden tekseru qajet. Kelısımnıŋ naqty ıske asatynyn zerttep, aldyn ala bılıp alǧan jön. Būl naryqqa kırmes būryn qūqyqtyq qorytyndyny daiarlap alu kerek. Būl keiın terıs kelısımge ūrynyp, şyǧynǧa batpas üşın öte maŋyzdy»,-dep sözın tolyqtyrdy otandasymyz.Gülnūr doktorlyq dissertasiiasyn sättı qorǧaǧan soŋ qazaqstandyq zaŋgerlerge halyqaralyq deŋgeige şyǧuǧa qoldan kelgenşe kömektesetının aitady.
«Adyrna» ūlttyq portaly
