Belgılı änşı Dimaş Qūdaibergen «Täuelsızdık tarlandary» derektı filmınde artynan ergen ını-qaryndastaryna öz aqyl-keŋesın aitty, dep habarlaidy «Adyrna» tılşısı.
«Alla Taǧala pendesın ärtürlı synaidy. Bıreuıne aqşany da, ataqty da, abyroidy da beredı. Al ekınşısıne dym bermeidı. Ol sonda barlyǧyna ie bolǧan adam Allaǧa rahmetın aita ma, dym almaǧan adam öz renışın bıldıre me dep qaraidy. Belgılı bır deŋgeige jetıp kele jatqan jastar äp-sätte barlyǧyn joǧaltyp aluǧa bolatynyn ūmytpaǧandaryn qalaimyn»,-dedı ol.Änşı öskeleŋ ūrpaqty eŋbekqor boluǧa şaqyrdy.
«Armanǧa qol jetkızudıŋ jalǧyz joly – tynbai eŋbek etu. Öz qalauyŋyzdan qol üzuge bolmaidy. Keide oǧan jetudıŋ sätı tüspeuı mümkın, keide «amal neşık» deitın jaǧdailar bolady, al endı bırde jolyŋyz bolmai jatady. Sondai kezderde jetıstıkke jetken ūly tūlǧalardyŋ ömırbaiandaryn oqyp şyǧyŋyz»,-dep keŋes berdı Dimaş.Sondai-aq, öner iesı süiıktı aqyn-jazuşylaryn da aita kettı.
«Atam men äjem kışkentai kezımnen ertegımen susyndatyp tärbieledı. Men aqyn Mūqaǧali Maqataevtyŋ poeziiasyn jaqsy köremın. Onyŋ ülken janküierımın. Abaidy oqyǧandy ūnatamyn. Sonymen qatar, "kümıs däuırınıŋ" ökılderı Maiakovskii men Gumilevtı süisınıp oqimyn. Menıŋ oiymşa, ärbır änşı ädebiet salasyna köz salyp jüruı kerek, öitkenı būl onyŋ käsıbımen tyǧyz bailanysty»,-dedı QR Eŋbek sıŋırgen qairatkerı.
«Adyrna» ūlttyq portaly
